كی دێ سۆپەرا ئسپانیا بەت ریال مەدرید یان بەرشەلۆنا ؟
جەماوەرێ وەرزشی ل سەر ئاستێ جیهانێ تایبەت حەز ژێكەرێن هەردو سەركێشێن ئسپانیا ئەڤرۆ ل دەمژمێر 10ی شەڤ دێ چاڤەڕێ كلاسیكۆیا ئەردی بن دەمێ هەردو یانەیێن برشەلۆنا و ریال مەدرید ل یاریگەها ئینما ل باژێرێ جەدە د یارییا دووماهییا سۆپەرا ئسپانیا یا فوتبۆلێ بەرانبەری ئێك ب ڕاوەستیین ژبۆ دەستڤەئینانا ناسناڤی كو دهێتە هژمارتن ئێك ژ ب هێزترین یاریێن ڤی وەرزی بۆ هەردو یانەیان.
هەردو یانە بڤی شێوەیی دەربازبوونە یارییا سۆپەرێ، د یارییا پێش دووماهیێ دا یانەیا بەرشەلۆنا سەركەڤتنەكا مەزن ل سەر یانەیا ئەتلەتیكۆ بیلباوو ئینا ب پێنچ گۆلان بێ بەرانبەر، ژلایێ خوەڤە یانەیا ریال مەدرید د دێربیەكێ مەدریدی دا ب سەركەڤت ل سەر ئەتلەیكۆ مەدرید ب دو گۆلان بەرانبەر گۆلەكێ، هەردو یانەیێن بەرشەلۆنا و ریال دەربازبوونە یارییا فینالا سۆپەرێ.
گرنگترین دیدار و ئەنجامێن پێشتر یێن هەردو یانەیان
ل دووڤ ئامارێن هەموو دیدارێن دناڤبەرا هەردو یانەیێن بەرشەلونا و ریال مەدرید یێن كلاسیكۆیێ بۆ هەموو خول و قارەمانییان ریال مەدرید یا پێشكەڤتیە لێ سۆپەرێ دا بەرشەلۆنا پتر ناسناڤ هەبووینە، ژ گرنگترین دیداران بڤی شێوەیی.
گشت قارەمانییان 262 یارییان بەرانبەر ئێك بووینە
ریال مەدرید 107 سەركەڤتن ئیناینە، بەرشەلۆنا 104 سەركەڤتن و 51 یاری ب وەكهەڤی ب دووماهی هاتینە.
ریال مەدرید 445 گۆل ل سەر بەرشەلۆنا تۆماركرینە و بەرشەلۆنا 436 گۆل تۆماركرینە.
یانەیا بەرشەلۆنا 15 ناسناڤێن سۆپەرا ئسپانیا هەنە و ریالێ 13 هەنە.
د خولێ دا ریال مەدریدێ 80 یارییان سەركەڤتن ل سەر بەرشەلۆنا.
ریال مەدریدێ 36 ناسناڤێن خولێ و 15 ناسناڤێن چامپیۆنز ب دەستڤەئیناینە.
ریال مەدرید د حەفت یارییان دا درێژترین سەركەڤتنێن كلاسیكۆ هەبووینە
بەرشەلۆنا د هەشت یارییان دا درێژترین سەركەڤتنێن كلاسیكۆیێ هەبووینە.
ل سەر دەمێ ڕاهێنەر هانز فلێكی پێنچ یاری دناڤبەرا واندا هەبووینە، بەرشەلۆنا چار سەركەڤتن خوسارەتیەك تۆماركریە، د بەرانبەر دا لسەردەمێ ڕاهێنەرێ ریالێ چاڤی ئالۆنسۆ ئێك یارییا كلاسیۆ هەبوویە و سەركەڤتیە.
لیۆنێل مێسی گۆلكەرێ دیرۆكی یێ كلاسیكۆیێ یە ب 26 گۆلان، كرێستیانۆ رۆنالدۆ ب18 گۆلان.
پێنچ سۆپەرێن ئسپانی ل سعۆدیێ بووینە
د هەر پێنچ سالێن 2020-2022- 2023- 2024 و2025ێ یاریێن سۆپەرا ئسپانیا ل وەلاتێ سعۆدیێ دهێنە كرن ژ وانا سێ فینال دناڤبەرا بەرشەلۆنا و ریال مەدرید دا هاتینە كرن، ل 2023 بەرشەلۆنا بوو قارەمان، ل 2024ێ ریالێ ب دەستڤە ئینا و ل 2025ێ بەرشەلۆنا دەستڤە ئینابوو، سۆپەرا ئەڤرۆ دێ بیتە یا چارێ ل دووڤ ئێك دناڤبەرا واندا.
