لاوێن زاخۆ هه‌تا دووماهی خوله‌ك دێ شه‌ڕی بۆ ده‌ربازبوونێ كه‌ن
ئه‌ڤرۆ، عه‌لی حاجی:
هاریكارێ راهێنه‌رێ تیما ته‌پا پێی یا لاوێن یانا زاخۆ دیاركر ئه‌و دێ هه‌تا دووماهی خوله‌ك شه‌ڕی بۆ پلێتا ده‌ربازبوونا قۆناغا دووماهیێ یا خولا پلا نایابا ئیراقێ و یاریا بهێت یا چاره‌نڤیسه كه‌ن.
زێده‌تر نیهاد حه‌مدی د داخویانیه‌كێ دا بۆ رۆژناما ئه‌ڤرۆ گۆت: هه‌رچه‌نده یاریێن ده‌ستپێكا خولێ لدووڤ هیڤی و ئارمانجا نه بوون تایبه‌ت یێن قۆناغا ئێكێ ئه‌وێن ده‌رڤه‌یی یاریگه‌ها مه دهاتنه كرن ژبه‌ركو هه‌ر چوار رۆژان یاریه‌ك دهاته ئه‌نجامدان ئه‌ڤچه‌نده ژی گڤاشتن ل سه‌ر ئاست و ده‌رۆنێ یاریزانێن مه بكه‌ت، لێ د قۆناغا دویێ دا به‌لانسا ئاستی و ئه‌نجاما هاته گۆهوڕین و یاریزانێن مه شیان بهێز و شیان بهێنه دناڤ خولێ دا و شیاینه رێزبه‌ندیا چارێ بهێت و یاریا ئه‌ڤرۆ چاره‌نڤیسه بۆ تیما مه ل گه‌ل یانا شورته ژبۆ ده‌ربازبوونێ بۆ قۆناغا دووماهیێ كو بڕیاره هه‌ر كۆمه‌كێ سێ یانه ده‌ربازبن سه‌رباری هه‌بوونا بزاڤێن ئێكه‌تیا ته‌پاپێی یا ئیراقێ بۆ زێده‌كرنا پشكداران كو بكه‌نه چار یانه لێ هه‌ر چه‌وابیت دڤێت یاریا بهێت ب سه‌ركه‌فین ژبۆ مسۆگه‌ركرنا پلێتا ده‌ربازبوونێ.
هه‌روه‌سان ناڤهاتی ئه‌وچه‌نده ژی گۆت: مه تیمه‌كا رێكخستی و باش هه‌یه و سه‌ربۆره‌كا به‌رچاڤ وه‌رگرتیه و گه‌شبینن بۆ پاشه‌رۆژه‌كا نێزیك تیما زاخۆ یا پێشكه‌فتیان دێ مفایی ژ كۆمه‌كا باش وه‌رگریت ئه‌وێن پشته‌ڤانیه‌كا باش بۆ لاوان دهێته كرن ژلایێ كارگێریا یانێ ڤه.
