لیستا 275 نە تنێ ژمارەیە!
سندس سالح سلێڤانەی
هزركرن ل ژمارە دبیت مرۆڤ وەكو تشتەكێ ئاسی دبینیت، چونكو چاڤێن مرۆڤان سەرنجێ بۆ پەیڤان و بۆ درووشمان دكێشێت، بەلێ دەمێ مرۆڤ هندەك تەخمینێن دی دئینتە بیرا خۆ، هزرا مرۆڤی ل دیرۆكەكا پڕی شانازی و سەركەفتن دهێت كو ژ رەنگڤەدانا وێ ستەما و زۆرداریا مەزن هاتینە كو خەلكەكێ خەباتكەر و فیداكار خۆ د ناڤدا دیتیە، چەند دایك و زارۆك و پیر و گەنجێن گەلێ كورد ئەو خەم دیتینە ناهێتە وەسفكرن، دبیت ئەڤە ئاخفتنەك بیت بۆ ڤی بەرەبابێ نها و یێ داهاتی تشتەكێ سادەبیت، بەلێ ئەو كەسێن ب چاڤێن خۆ دیتین و هەتا نها د ساخ ڤەدگێرن مرۆڤ ب باوەرناكەت هندە نەخۆشی دیتینە، هەكە هینگی مینا ئەڤرۆ ئەڤ شاشە و مۆبایل و كامیرەیێن زۆر هەبانە دا باشتر بینن و تێگەهن. وەلێ تاكە خۆدانەك بۆ ڤی بەرسڤدانا ڤان ستەمكاران هەبووینە مە د دیرۆكێ دا گەلەك كەس و سیمبۆل هەبووینە خۆ لێ كرینە خۆدان، مینا بارزانیێ نەمر مستەفا و ئەو رەنج و خەباتا وی و بنەمالا وی كری ژ بەری دامەزراندنا پارتی دیمۆكراتی كوردستان ژی، ئەڤ حزبە بوویە ڤەرێژا ئەوێ خەباتێ و ئەو كوردێن خۆینا خۆ گۆری ڤی ئەردی و ڤێ ئازادیێ كرین. هەتا ئەڤرۆ كو ئەڤ خەباتە ل گەل بۆرینا وەختی هاتیە گوهۆرین و بوویە خەباتا شێوازێ دیمۆكراسی، ب ئەقلەكێ هوشدار سەردەری ل گەل كاودانان كرینە، ئەڤرۆ ژی سەركێشێ وێ ژی سەرۆك مسعودا بارزانی یە و لیستا حزبا وی ژی لیستا 275 ێ یە، درووشمێ وێ، هەڤپشكی.. هەڤسەنگی. لهەڤكرن، بوویە وەكو باشترین جۆرە سەرەدەری ل گەل پەرلەمانێ ئیراقەكا فیدرال، ئەڤجا دڤێت ئەڤ ئالاڤێ خەباتێ و سۆزداریێ ل گەل هەڤدو یا لێكگوهارتی بیت، دڤێت دەنگێن خۆ بدەینە ڤێ لیستێ دا كو ئەڤ سەركردایەتیا كو هەمی خۆشی و نەخۆشیێن مە ل گەل ئێك بوون، هەر بەردەوام بیت و سۆزا خۆ بۆ گیانێ پاكێ بارزانیێ نەمر بجهبینین، وەكو كەرمكری كوردستان یان نەمان.. ئەم پشتراستین كو ئەو خەمخۆرییا جاران یا خەلكێ مە ل دەمێ هاتنا هێرشێن تیرۆستێن داعش بۆ سەر ئاخا وەلاتێ مە دێ بەردەوام بیت، چونكو كورد و كوردستانی هەردەم خۆدان غیرت بووینە ل دەمێ لیستا دەنگدانێ پەنجەمۆر دكەن دێ ئەڤ هەلوەستە ل بیرا وان بن و دێ دەنگی ب لیستا 275 دەن بۆ كوردستانەكا ب هێز د ناڤ ئیراقەكا توندا دا كو نە هەما ژمارەیە لێ ئەو دیرۆكە.
