ل دهۆكێ 126 كۆگەهێن سار بۆ هەلگرتنا بەرهەمێن پتاتان هاتینە تەرخانكرن
ئەمیر ئەترووشی:
رێڤەبەرێ گشتیێ چاندنێ ل پارێزگەها دهۆكێ راگەهاند، ل پارێزگەها دهۆكێ 126 كۆگەهێن سار بۆ هەلگرتنا بەرهەمێن پتاتان هاتینە چێكرن و پتاتێن دهۆكێ ل سەر ئاستێ هەرێما كوردستانێ و عێراقێ د پلەیا ئێكێ دانە و ڤێ چەندێ وەكرییە، بكر بۆ بەرهەمێ پتاتان پەیدا ببن و ئێدی بەرهەمێ وان بۆ دەرڤەیی كوردستانێ دهێتە هنارتن.
رووبەرەكێ باش یێ ئەردی بۆ چاندنا پتاتان ل پارێزگەها دهۆكێ هەیە و سالانە رێژەكا مەزن یا پتاتان ل دهۆكێ دهێنە بەرهەمئینان و ئەڤ سالە ژی 126 كۆگەهێن سار بۆ كۆگەهكرنا پتاتان ل پارێزگەها دهۆكێ هاتینە تەرخان كرن و د نوكە دا دهۆك ل سەر ئاستێ هەرێمێ و عێراق ل پلا ئێكێ دهێت بۆ بەرهەم ئینانا پتاتان.
ئەحمەد جەمیل، رێڤەبەرێ گشتیێ چاندنێ ل پارێزگەها دهۆكێ بۆ رۆژناما ئەڤرۆ دیار كر: ئەڤ سالە بەرهەمێ پتاتان ل پارێزگەها دهۆكێ 70% زێدە بوویە و بەرهەمێ وان گەلەك یێ باشە و هەروەسا حكومەتا هەرێمێ هاریكارییا جۆتیاران دكەت” دا كو بەرهەمێن خۆ ل ناڤخۆیا هەرێمێ و ل دەرڤەیی هەرێما كوردستانێ ژی بفرۆشن و ئەڤ سالە پتات بۆ دەرڤەیی هەرێما كوردستانێ هاتینە هنارتن.
ناڤهاتی ئەو ژی گۆت: ل ڤان سالان ل پارێزگەها دهۆكێ 126 كۆگەهێن سار بۆ هەلگرتنا بەرهەمێن پتاتان هاتینە چێكرن و پتاتێن دهۆكێ ل سەر ئاستێ هەرێما كوردستانێ و عێراقێ د پلەیا ئێكێ دانە و ڤێ چەندێ وەكرییە كو بكر بۆ بەرهەمێ پتاتان پەیدا ببن و ئێدی بەرهەمێ وان بۆ دەرڤەیی كوردستانێ دهێتە هنارتن.
