ل سالا بهێت دێ‌ جهێ‌ هەسپ سواریێ‌ ل زاخۆ هێتە دانان

ل سالا بهێت دێ‌ جهێ‌ هەسپ سواریێ‌ ل زاخۆ هێتە دانان

13

لەزگین جوقی:

رێڤەبەرێ‌ گشتیێ‌ وەبەرهێنانێ‌ ل ئیدارا سەربەخۆیا زاخۆ دیار كر، كابینا نەهێ‌ یا حوكمەتا هەرێما كوردستانێ‌ ب كوژمێ‌ 61 ملیۆن دولاران وەبەرهێنان ل زاخۆ هاتیە كرن و 16 مۆلەت بۆ پرۆژەیێن گرنك یێن وەبەرهێنانێ‌ هاتینە دان و گۆت: پرۆژەیێ‌ ئیماراتێ‌ دێ‌ هەتا دوو هزار و 500 دەلیڤێن كاركرنێ‌ بۆ جۆتیارێن زاخۆ پەیدا كەت و ل پاشەرۆژێ‌ دبیت ل زاخۆ كارگەهێ‌ دانن، ژ زاخۆ بەرهەمێ‌ خۆ رەوانەی دەرڤەی وەلاتی بكەن.

جەگەر خوین تاهر، رێڤەبەرێ‌ گشتیێ‌ وەبەرهێنانێ‌ ل ئیدارا سەربەخۆیا زاخۆ راگەهاند، پتریا مۆلەتێن وەبەرهێنانێ‌ د وارێ‌ گەشت و گوزارێ‌ دا بووینە، ژ وانا ژی پرۆژەیێ‌ هاڤین یێ‌ گەشتیارێ‌ یێ‌ پێكهاتی ژ هەموو خزمەتێن گەشت و گوزارێ‌ و نەخۆشخانا زاخۆ و پرۆژەیێ‌ دەلال سپورت، ئەڤە دێ‌ خزمەتا گەنجان ل زاخۆ كەت و چەند مەلەڤانگەه دناڤدا هەنە و پرۆژەیێ‌ كۆمەلگەها فیردوس یا گەشت و گوزارێ‌ ل سەر كورنیشێ‌ زاخۆ و ئەڤە دێ‌ گەلەك خزمەتا گەشتیاران كەت».
خۆیا كر، وەلاتی ئیمارات پرۆژەیەكێ‌ مەزن یێ‌ چاندنێ‌ ل ئیدارا سەربەخۆیا زاخۆ دروست دكەت و دێ‌ باقلك و نوك و گەنمە شامی و گەلەك جۆرێن بەرهەمی دناڤدا هێتە چاندن، هەمی بەرهەم بۆ ئیمارات دێ‌ هێتە رەوانەكرن، پشتی بەرهەمێ‌ كارگەها ل ئیماراتێ‌ دگەهیتە 100% دێ‌ ل زاخۆ كارگەه هێتە دانان و سەنتەرەك دناڤ پرۆژەیی دا هەیە و هەتا 50 دەرچوویێن كۆلیژا چاندنێ‌ دێ‌ دناڤدا هێنە وەرگرتن».
تەكەستكر، پرۆژەیێ‌ ئیماراتێ‌ دێ‌ هەتا دوو هزار و 500 دەلیڤێن كاركرنێ‌ بۆ جۆتیارێن زاخۆ پەیدا كەت و ل پاشەرۆژێ‌ دبیت ل زاخۆ كارگەهێ‌ دانن، ژ زاخۆ بەرهەمێ‌ خۆ رەوانەی دەرڤەی وەلاتی بكەن «.
ئاشكەرا كر، هەتا دووماهیا ئەڤ سالە دێ‌ پێنچ پرۆژەیێن دی ژی مۆلەتا وەربەرهێنانێ‌ ب كوژمێ‌ حەفت ملیۆن و 600 هزار دولاران وەرگرن و سێ‌ ژ وان پرۆژان دێ‌ پرۆژەیێن گەشت و گوزارێ‌ بن و دوو ژی پرۆژەیێن پەروەردی نە».
جەگەر خوین تاهر، ئاماژە دا وێ‌ چەندێ‌ ژی: «د پلانێ‌ دایە ل سالا 2024ێ‌ هژمارەكا پاركا ل زاخۆ بهێنە چێكرن و دێ‌ مۆلەتێن ب ڤان پرۆژان هێیە دان، پشتی پەسەند بیت دێ‌ مۆلەت پێ‌ هێتە دان و دێ‌ پارك ل زاخۆ هێنە چێكرن دناڤ ئاڤاهی و یاریگەهێن وەرزشی و یاریێن هەمە جۆر و مەلەڤانگەه و جهێ‌ هەسپ سواربوونێ‌ و خەلك ل زاخۆ بێ‌ بەرامبەر دێ‌ شێن بهێنە دناڤدا، ئەڤە پاركە دێ‌ بنە ئەگەر رێژا كەسكاتیێ‌ ل زاخۆ زێدەبیت و پتر دەلیڤێن كاری پەیدابن «.

کۆمێنتا تە