مرواریەكانی غوربەت 40 نۆشدارێن كورد خەلاتكرن
شاكر ئەتروشی:
بەرنامەیێ (مرواریەكانی غوربەت) كو بەرنامەیەكێ هونەری یە ل وەلاتێ بریتانیا دهێتە پێشكێشكرن، بەری چەند رۆژان د ئاهەنگەكا تایبەتدا (40) نۆشدارێن كورد كو ژ هەرچار پارچەیێن كوردستانێ بوون خەلاتكرن و چەند نۆژدارێن پارێزگەها دهۆكێ ژی د پشكدار بوون.
خانما سترانبێژ (ئەمەل سەعید كوردە) پێشكێشكارا وی بەرنامەی، د پەیوەندیەكا تەلەفۆنی دا ل وەلاتێ بریتانیا بۆ رۆژناما ئەڤرۆ گۆت: ئەم وەك ستافێ بەرنامەی سالانە ب ئاهەنگا هوسا رادبین، ل ئاهەنگێن سالێن بۆری مە ماموستا و هونەرمەند خەلاتكرن، بۆ ئەڤ سالە مە ب فەر زانی چەند نۆژدارێن كورد كو هەموو ژی ناڤدار و زیرەك و خودان ئاستەكێ بلندن ل وەلاتێن جیهانێ خەلات بكەین و ئەڤ كارێ مەكری رێزگرتنەكا بچووكە بەرامبەر كار و ئەركێن وان و هیڤیا من ئەوە ل سالێن بهێین ئەم بشیێن پتر خزمەتا وان كوردان بكەین یێن كو ل وەلاتێن غەریبان دژین.