من ستران نه گۆتینه دا به‌رنیاس ببم
هه‌رهین محه‌مه‌د:
سترانبێژ (رامان بها) كو خه‌لكێ رۆژئاڤایێ كوردستانێ یه، د دیداره‌كێ دا بۆ رۆژناما ئه‌ڤرۆ دیاركر كو ئه‌و مژوولی سێ سترانایه و دقوناغا دووماهیێ دانه و ل به‌ره ل نێزیك كلیپ بكه‌ت.
ناڤبری گۆت: چو جاران من ستران نه گۆتینه دا به‌رنیاس ببم، یان ره‌وشا من یا ئابووری پێ خۆش بیت، به‌لكو بتنێ دبێژم دا خزمه‌تا ملله‌تێ كورد و چاندو هونه‌رێ كوردی بكه‌م و من پشكا مۆزیكێ ل په‌یمانگه‌هێ ب دووماهیی ئینایه و نوكه وانێن مۆزیكێ دبێژم وه‌كو كه‌مان و عود و باغله‌مه و حه‌زژ ده‌نگێن هه‌موو سترانبێژین باكورێ كوردستانێ دكه‌م و هه‌كه جاره‌كێ من سترانه‌كا دوقۆلی چێكر حه‌زدكه‌م ل گه‌ل هونه‌رمه‌ند بلند ئیبراهیم و هه‌ڤال ئیبراهیم بێژم، چونكو ده‌نگێ وان گه‌له‌ك ل گه‌ل ده‌نگێ من دگۆنجیت، و ب دیتنا من 100% جوداهی دناڤبه‌را سترانا باشۆر و رۆژئاڤایێ كوردستانێ هه‌یه و هه‌ر جهه‌كی هه‌ستی َخوه یێ تایبه‌ت هه‌یه و هه‌ردو ژی دخۆشن و ژلایێ جزیرێ پتر نێزیكی باشۆره، ژلایێ كۆبانێ و عه‌فرینێ و ده‌مێ سترانی َدبێژم دبێژنه من ده‌نگێ ته نێزیكی یێ سترانبێژ شه‌یدایی یه و هه‌كه من بڤێت زارڤه‌كرنێ بكه‌م دشێم زارڤه‌كرنا هونه‌رمه‌ند خه‌لیل خه‌میگین و بلند ئیبراهیم و ته‌حسین تاها بكه‌م و هونه‌رمه‌ندێن نه‌مر هه‌موو بۆمه قوتابخانه‌نه و هه‌كه جاره‌كێ سترانه‌كا وان نوو بكه‌م دبیت یا هونه‌رمه‌ند محه‌مه‌د شێخۆی، یان محه‌مه‌د عارفێ جزیری، یان ئه‌رده‌وان و ئه‌یاز بیت.
