مهابات ئیبراهیم ئێدی ئهڤینیێ ناكهت
هونهرمهند مهابات ئیبراهیم، دیدارهكێ دا بۆ بهرپهرێ هونهری یێ رۆژنامهیا ئهڤرۆ دیاركر كو ئهو مژوولی نویكرنا كلیپهكا خۆوهیه بناڤێ (سهیرانه ل وارێ زوزانێ) كوژ ئاوازێن وێ بخوهنه و ژڤانه ل نێزیك كلیپبكهت.
مهاباتێ زێدهتر گۆت: بهری دەهـ سالان من دهست بكارێ زارڤهكرنێ كریه و ئهز ل ههولێرێ بووم رێڤهبهرێ دهۆك تیڤی ل وی دهمی عهدنان یوسف بوو تهلهفۆنا من كر و گۆته من مهدرامایهك ههیه و حهزدكهین و وهكو ئهكتهر پشكداربی و من ژی گۆتێ ئهز سترانبێژم، بهلێ دێ یا كهیفخوەش بم ههكه كارێ زارڤهكرنێ ژی بكهم و ژ وی دەمی ههتا نوكه كارێ زارڤهكرنێ ژی دكهم و ئهڤه سێ فلمێن سینهمایی ژی دا من پشكداری كر وهكو فلمێ (بهغداد میسی) یێ دهرهێنهر سەهیم عومهر خهلیفه و دیسان بهری سالهكێ ژی پشكداری فلمهكی بووم كو ژدهرهێنانا دهرهێنهرهكێ نیڤ كورد و نیڤ تورك بوو و ههروهسا فلمێ دهرهێنهر جوان بامهرنی و ئهڤ ساله پشكداری فلمه فێستیڤالا دهۆكێ بوو و رۆلێ من د ئهوی فلمی دا ئهو بوو زارۆكهك دایكاوی یا هاتیه كوشتن و بتنێ ل جهێ بێ سهمیانان دمینت و ل وێرێ من دبینت و گهلهك حهزژ من دكهت و ب من ڤه دهێته گرێدان و هزردكهت دایكا وی مه و پشتی هوینگێ داپیرا وی ژ دهرڤهی وهلاتی دهێت داكو نهڤیێ خۆ ببهت، بهلێ زارۆكی نهڤێت ل گهل وێ بچیت.
ههروهسا گۆت: د راستی دا خودێ مهزن ئهز نهكریمه دایك، بهلێ ئهز گهلهك حهز ژ زارۆكان دكهم و ههر دهرهێنهرهكێ رۆل دایمن ل دووڤ كهسایهتیا من بوویه و ههتا نوكه من رهتنهكرینه، بهلێ ههكه رۆلهكێ ئهڤینیێ بدهنه من نهشێم بكهم، چونكۆ ژیێ من نهیێ هندێ یه ژنوی ئهڤینیێ بكهم و ههكه وی رۆلی بگێرم ژی ناهێلم لێك نێزیكبوون چێبیت.
