مەحفۆز ئیبراهیم: دەستكەفتێ عەبدولرەزاقی دیرۆكییە و ئێكەم كوردە ناسناڤێ جیهانێ ب دەستڤە دئینت
قەیس وەیس:
د داخویانیەكێ دا سەرۆكێ فدارسیۆنا كیك بۆكسینگا پارێزگەها دهۆكێ بۆ رۆژنامەیا ئەڤرۆ دیار كر ئەو دەستكەفتێ یاریزانێ یانەیا ئامێدیێ عەبدولرەزاق سەعید ب ناسناڤێ قارەمانییا كیك بۆكسینگا جیهانی بۆ كێشا ل سەر 90كگم ئێكانەیە ل سەر ئاستێ كوردستانێ ب دەستڤە دئینت.
ئەڤچەندە هات پشتی یاریزانێ ناڤهاتی شیایی ل سەر ئاستێ یاریزانێن پلەیا ماستەر بۆ كێشا90+ كگم رێزا ئێكێ بهێت و ب میدالییا زێری بهێتە خەلاتكرن پشتی د یارییا دووماهیێ دا ب سەركەفتی ل سەر هەڤڕكێ خوە یێ ئۆزپاكستانی ب دربێ ئێحستنێ، د هەڤڕكیێن واندا ئەوا ل شەمبییا بۆری ب پشكدارییا زێدەتری 2600 یاریزانێن 48 هەلبژارتیێن وەلاتێن جیهانی ل وەلاتێ ئۆزپاكستانێ هاتیە كرن.
زێدەتر مەحفۆز ئیبراهم كو هەڤدەم ئەندامێ فدراسیۆنا كیك بۆكسینگا ئیراقێ یە گۆت: یاریزانێ كورد و یانەیا ئامێدیێ و هەلبژارتیێ ئیراقێ عەبدولرەزاق سەعید پشتی هەڤڕكییەكا دژوار د پێنج قۆناغێن ڤەبڕ دا شیا د یارییا دووماهیێ یا قارەمانییاجیهانێ بۆ كێشا +90كگم ناسناڤی ب دەستڤە بینت، پشتی د یارییا دووماهیێ دا بەرانبەر هەڤڕكێ خوە یێ ئۆزپەكی ب دربێ ئێخستنی شیایی رێزا ئێكی و میدالیێ ب دەستڤە بینت، هەروەسان بەرێ چاڤێ وی ژی تووشی دربان بوو لێ شیا ب گەهیتە ئارمانجا خوە و ئێكەم كورد بشێت ناسناڤێ جیهانی كۆپا جیهانی ب دەستڤە بینت، ئەڤە ژی شانازییە و یا دیرۆكی یە كو ئێكەم كورد ب گەهیتە ڤێ ناسناڤێ مەزن یێ باوەرپێكری كو پەسەندكرییە ژلایێ فیدراسیۆنا جیهانی waka وەكو كۆپایا سالانە ب پشكدارییا باشترین یاریزانێن جیهانێ ل هەر وەلاتەكی دهێتە كرن.
ژلایەكێ دووڤە ناڤهاتی پەسنا پشكدارییا دادڤانێ كورد و خودان شیان یێ نێڤدەولەتی محەمەد شنگالی كر و گۆت: دەستخوەشیێ ل دادڤانێ پارێزگەهێ یێ نێڤدەولەتی محەمەد شنگالی دكەین كو شیایی ب سەركەفتیانە ب ئاست و دادڤانیەكا دادپەروەرانە 48 یارییان بڕێڤە ببەت و 10 یارییان وەكو دادڤانێ سەرەكی دناڤ دەپێ شەڕی دا، ئەڤە ژی دەستكەفتەكێ مەزنە و ژ هەژی دەستخوەشیێ و شانازیێ یە، بەلگەیە كا چەوا مە یاریزانێ خودان شیان وەكو عەبدولرەزاق سەعید هەنە هەروەسان مە دادڤانێن وەكو محەمەد شنگالی و زێرەڤان سالح و هەتا یێن هەین و رژدین ل سەر پێنگاڤێن خوە یێن پێشئێخستنا ئاست و شیانێن یاریزان، راهێنەر و دادڤانێن یارییا كیك بۆكسینگێ.
بۆ زانین ئەڤ قارەمانییە وەكو نەرێتە سالانە ب ناڤێ كۆپا جیهانی ل وەلاتێن جودا ژلایێ فدراسیۆنا نێڤدەولەتی ڤە دهێتە ڕێكخستن، حەفت سیستەمێن جودا یێن یاریێ كو هەر سیستەمەكی ژی 12 كێشێن چەستەیی بۆ هاتینە دانان، ئەڤ قارەمانییا نێڤدەولەتی و پەسەندكرییە ژلایێ فیدراسیۆنا جیهانی waka ، یاریزان دناڤ لیستەیا فیدراسیۆنا نێڤدەولەتی دهێنە تۆماركرن.
عەبدولرەزاق شێخۆ ب پلەیا ماستەر بۆ كێشا +90 ل سەر سیستەمێ (kik like) و ( like contak) پشكداربوو، هەروەسان پشكدارییا دادڤان محەمەد شنگالی یێ نێڤدەولەتی دێ سەنگا كیك بۆكسنگا پارێزگەها دهۆكێ بهێزتر لێكەت.
