ناسر ره‌زازی: خودان كه‌سایه‌تی مه‌ و نه‌شێم داخوازێ ژ ده‌وله‌مه‌ندان بكه‌م ببنه‌...

ناسر ره‌زازی: خودان كه‌سایه‌تی مه‌ و نه‌شێم داخوازێ ژ ده‌وله‌مه‌ندان بكه‌م ببنه‌ سپۆنسه‌ر بۆ كارێن من یێن هونه‌ری

5

ئه‌ڤرۆ، هه‌رهین:

هونه‌رمه‌ند ناسر ره‌زازی دیداره‌كێ دا بۆ به‌رپه‌رێ هونه‌ری یێ رۆژنامه‌یا ئه‌ڤرۆ گۆت: دبیت گه‌له‌ك كه‌س وه‌سا هزر بكه‌ن ژ بۆ پاران و مالێ دنیایێ ئه‌م گازنده‌یان دكه‌ین، به‌لێ بۆ هه‌ر ئاهه‌نگه‌كێ، یان چێكرنا ستران و كلیپان مه‌زاختی بكه‌ین و لدووماهیێ ئه‌و مه‌زاختیه‌ بۆ مه‌ نه‌زڤریت مادێ چه‌وان شێن كاركه‌ین و ئه‌ڤه‌یه‌ ئاریشا سه‌ره‌كی و مه‌ چ سپونسه‌ر نینه‌ و ئه‌ز كه‌سایه‌تیا خوه‌ ژی ناشكێم و بچم داخازێ ژ كه‌سه‌كێ ده‌وله‌مه‌ند بكه‌م هه‌تا دبیته‌ سپونسه‌رێ من بۆ ئه‌لبوومه‌كێ یان كلیپه‌كێ.
زێده‌تر گۆت: چو كه‌س نه‌شێن كه‌س و كارو هه‌ڤژین و خوه‌شتڤێن خوه‌ ژبیر بكه‌ن مادێ چه‌وا شێم مه‌رزیایێ ژبیركه‌م ژ مه‌رزیایێ من سێ زارۆك هه‌نه‌ دو كورو كچه‌ك ناڤێن وان ژی (دلنیا و ماردین و كاردو) و من گه‌له‌ك بیرهاتن ل گه‌ل مرزیایێ هه‌نه‌ و چ جاران ناهێنه‌ ژبیركرن و ئه‌وێ گه‌له‌ك ئاهه‌نگ گێراینه‌ ل باشور و رۆژهه‌لات و رۆژئاڤا بتنێ ل باكور ئاهه‌نگ نه‌گێراینه‌ و به‌رنامه‌ ئه‌و بۆ ل ئه‌وێری ژی ئاهه‌نگا بگێریت، به‌لێ ئه‌م هاتینه‌ گرتن و نه‌شیاین و پشتی مه‌رزیایێ وه‌غه‌ركری من هه‌ڤژینی ل گه‌ل خانما ئیران پێك ئینایه‌ و هه‌ڤژینیێ وێ ژی ب نه‌خوشیه‌كا گران وه‌غه‌ركربوو و ئیرانێ دو زارۆك و شه‌ش نه‌ڤی هه‌نه‌ و ئه‌و نه‌شێت هه‌ڤژینێ خوه‌ ژبیركه‌ت و ئه‌ز ژی نه‌شێم مه‌زیایێ ژبیركه‌م، چونكو نه‌تشته‌كێ بچیكه‌ مرۆڤ ب ساله‌هان ل گه‌ل كه‌سه‌كێ بژیت و دخوشی و نه‌خوشیاندا و زارۆك ژ ئێك و دوو هه‌بن مادێ چه‌وا مرۆڤ دێ شێت ژبیركه‌ت و من چو جاران لبه‌ر نه‌بوو هه‌ڤژینیێ پێك، به‌لێ رسقبوو هه‌ڤاله‌كێ من گوته‌ من كه‌سه‌ك ل مه‌ریوان هه‌یه‌ و هه‌ڤژینێ وێ وه‌غه‌ركریه‌ و من بخوه‌ ژی تێكه‌لی ل گه‌ل خویشكه‌ك و برایه‌كێ وێ هه‌بوو هه‌روه‌سا ئیرانێ ژی هه‌ڤالینی ل گه‌ل خوشكه‌كا مه‌رزیایێ هه‌بوو و پشتی من ئیران ئینای ژیانا من گه‌له‌ك خوه‌ش بوویه‌ گه‌له‌ك هاریكاره‌ ل گه‌ل من، چونكو پشتی مه‌رزیایێ گه‌له‌ك لاواز و بێهێز ببووم و ئیران بخوه‌ ژی ماموستایه‌ و گه‌له‌ك ئه‌م رێزێ ل زارۆك و نه‌ڤێن ئێك و دوو دگرین.
ره‌زازی ئه‌و چه‌نده‌ژی گۆت: ب ئه‌وێ چه‌ندێ نه‌یێ كه‌یفخۆشم ناڤێ مه‌رزیایێ كه‌فتیه‌ سه‌ر تورمبێله‌كێ و هه‌كه‌ ناڤێ ئه‌وێ دانابا سه‌ر فرۆكه‌كێ ژی هه‌ر دلێ من یێ پێ خوه‌ش نه‌بوو، به‌لێ هزر دكه‌م پشكه‌ك ژوان ژ خوشتڤی ناڤێ وێ دانایه‌ سه‌ر تورمبێلێ، چونكو مه‌رزیا گه‌له‌ك یا خوشتڤی و خودان رێزبوو دناڤ خه‌لكی دا و هه‌روه‌سان تۆرمبێله‌ك بناڤێ وه‌نه‌وشه‌ ده‌ركه‌فتیه‌، چونكو وه‌نه‌وشه‌ كچه‌كا جوان بوو هه‌ردیسان ناڤێ هونه‌رمه‌ند كه‌ریم كابان دانایه‌ سه‌ر ماتورسكله‌كی و ب ئه‌وێ چه‌ندێ نه‌خوش بووم و یا گرنگ ئه‌وه‌ ناڤێ وان بكه‌ڤیته‌ سه‌ر باخچێن زارۆیان و باخچه‌ێن گشتی دا كو هه‌رده‌م ل بیرا خه‌لكی بن .

کۆمێنتا تە