ناڤەندا خانی ئێڤاریەكا رەوشەنبیری ل بەردەڕەشێ گێڕا

ناڤەندا خانی ئێڤاریەكا رەوشەنبیری ل بەردەڕەشێ گێڕا

4

شاكرئەتروشی:

بەردەوامی دان ب بزاڤ و چالاكیێن ناڤەندا خانی یا رەوشەنبیری و راگەهاندنێ‌/ب هەڤكاری ل گەل پشكا رەوشەنبیری و هونەری ل قەزا بەردەڕەش، دوهی ئێڤاری چالاكیەك ل هولا رەوشەنبیری ل وێ‌ قەزایێ‌ هاتە گێڕان و هژمارەكا نڤیسكار و رۆژنامەڤان و رەوشەنبیرێن وێ‌ دەڤەرێ‌ لێ‌ د بەرهەڤ بوون.
بەرنامێ‌ چالاكیێ‌ ل دەمژمێر پێنجی ئێڤاری ب خواندنا پەیڤا ناڤەندا خانی یا رەوشەنبیری و راگەهاندنێ‌ دەستپێكر كو ژلایێ‌ بەرێز(موسەدەق تۆڤی) بەرپرسێ‌ پشكا رەوشەنبیری ل ناڤەندێ‌ هاتە خوداندن، د دووڤدا پەیڤا پشكا رەوشەنبیری و هونەری ل قەزا بەردەڕەش ژلایێ‌ بەرێز (محەمەد لوقمان) هاتە خواندن، پاشان (پ.د هۆگر تاهر تەوفیق) سمینارەك ل ژێر ناڤێ‌ (كوردێن ئیراقێ‌ و حكومەتێن بەغدا دناڤبەرا ناسنامەیا هەرێمایەتی و سنوورێ‌ ناڤدەولەتی و كارڤەدانێن وان 1918ـ 1991) پێشكێشكر، هەروەسا ماموستا (سوهەیب میكائیل) سمینارەك ل دۆر رەوشا رەوشەنبیریێ‌ ل دەڤەرا بەردەڕەش پێشكێشكر، ل دووماهیێ‌ ژی هژمارەكا پرتووكان كو ژ وەشانێن ناڤەندا خانی بوون ب دیاری ل سەر بەرهەڤبوویان هاتنە بەلاڤكرن.

کۆمێنتا تە