نوكە خەلكی زێدەتر داخوازی ل سەر كڕینا یەكەیێن ئاكنجیبوونێ هەیە
سولین سلێمان
ژ ئەگەرێ زێدەبوونا یەكەیێن ئاكنجیبوونێ، ب تایبەت ژی شوقەیان، ل دووڤ پێزانینێن خودان نڤیسینگەهەكا خانیان دبێژیت: نوكە خەلكی زێدەتر خواست ل سەر كرینا شوقەیان هەیە پتر ژ خانیان.
دیدار عەلی، خودانێ ئێك ژ نڤیسینگەهێن خانیانە ل هەولێری تایبەت بۆ رۆژناما ئەڤرۆ گۆت: ئەم نڤیسینگەها خودا كارێ كرین و فرۆتنا خانی و شوقەیان دكەین، لێ پتر كارێ شوقان و گۆت: ئەو كەسێن سەرەدانا مە دكەن هەم كوردن هەم ژی عەرەبن، ڤان دو مەهێن دوماهیێ ژی ئەز دشێم بێژم پتر كورد بووینە شوقە كرین.
ئاشكرا ژی كر، نێزیكی 5 هەتا 6 ساڵ زێدەترە ژی خەلكی پتر خواست ل سەر كرینا شوقەیان پتری خانیان هەیە، هەر دیسا ژی داخوازیا وان پتر سەر كرینێ یە ب شێوازێ قستانە و ئەو قست ژی ژ بۆ ماوێ 9 سالانە، ژبەر ئەگەرێ رەوشا نوكە یا وەلاتیان. گۆت ژی: ژبەر ئەگەرێ رەوشا ئابووریا نوكە یا هەرێما كوردستانێ ب گشتی بازار كێمبوویە، ب تایبەت ژی یا خانوبەران.
ئارام ئاكو ئێك ژ خودان نڤیسینگەهەكا دی یا خانوبەرانە ل هەولێرێ بۆ رۆژناما ئەڤرۆ گۆت” ژبەر رەوشا ئابووریا كوردستانێ خەلك نەشێت خانی یا شوقەیان بكریت، پتر ب كرێ دخوازن، ل نڤیسینگەها من پتر عەرەب سەرەدانا مە دكەن و ب شێوازێ كرێ داخوازا خانی دكەن.
