نوونەرا پارێزگەهێ‌ چاڤ ل دەربازبوونێ‌ یە

نوونەرا پارێزگەهێ‌ چاڤ ل دەربازبوونێ‌ یە

5

رەمەزان زەكەریا

د داخویانیەكێ دا سەرۆكێ یانەیا بەردەڕەش یا وەرزشی ئاشكراكر ئەڤسالە تیما یانەیا بەردەڕەش گەلەك ب هێز پشكداری خولا پلە دوا كوردستانێ بوویە هەتا گەهشتیە یاریا چارگوشا زێرین چ یاریا تووشی خوسارەتیێ‌ نەبووبنە ژ سەرجەمێ 16 یاریا ژ بەركو پێكاتیەكێ‌ گەلەك ب هێز یێ‌ تیما مە یا تەپا پێی بوو.
زێدەتر سەمیر عەبدولقادر بۆ ئەڤرۆ گۆت: یانەیا بەردەڕەش ب رەنگەكێ زۆر لەز پێدڤی ب پشتەڤانیا دارایی هەیە بۆ ئەنجامدانا یاریێن مایی ژ بەركو یاریێن مایی گەلەك گرنگ و چارەنڤیسن بۆ تیما مە ئەگەر پشتەڤانیا یانەیێ بهێتە كرن پێكهاتەیا تیما یانەیێ گەلەك یا ب هێزە و چەند رۆژە خوە بەرهەڤ دكەن بۆ ئەنجامدانا یاریا بەریا دووماهیا خولا پلە دوا كوردستانێ.
ناڤبری گۆتژی: بریارە رۆژا چارشەمبی یاریا بەریا دووماهیا خولا پلە دوا كوردستانێ بهێتە ئەنجامدان دناڤبەرا یانەیا بەردەڕەش و یانەیا سەنگەسەر ل هەولێرێ، ئەم چاڤەرێینە كو پشتەڤانیا یانەیێ بهێتە كرن بۆ وێ چەندێ ئەڤ یاریێن مایی ب سەركەفتیانە ئەنجام بدەین و بگەهینە خولا پلە ئێكا كوردستانێ .
ناڤهاتی خویاكر: ئاستێ تیما یانەیا بەردەڕەش گەلەك یێ باشە و ب هێزە یانەیەكا بهێزا خولا پلە دوا كوردستانێ بوو ئەڤسالە بەلێ ئاریشا سەرەكیا یانەیێ نەبوونا پشتەڤانیا ئابووریە ئەڤێ چەندێ ئەركێ یانەیێ گرانكریە.

کۆمێنتا تە