نەخۆشیا ترسیان ژ خوارنێ‌ چیە؟

نەخۆشیا ترسیان ژ خوارنێ‌ چیە؟

24

هەر چەندە خوارن پشكەكا سەرەكییە د ژیانا مەدا، چونكو هێز و شیانا بۆ لەشی دابین دكەت و مفای ب ساخلەمیێ‌ دگەهینیت، بەلێ‌ هندەك كەس هەنە تووشی نەخۆشییەكێ‌ دبن كو ب ترس ژ خوارنێ‌ یان “سیبۆفۆبیا” هاتیە ناڤكرن.
د بابەتەكێ‌ مالپەڕێ‌ “سكای نیوز” یێ‌ عەرەبیدا. بەلاڤكریە، “سیبۆفۆبیا” یان ترس ژ خوارنێ‌، ترسەكا جیاواز و ئالۆزە تووشی مرۆڤی دبیت، یا ب زەحمەتە بشێی ب روونی نیشانێن وێ‌ د كەسەكیدا دەستنیشان بكەن.
هەروەسا ئاماژە دایە، دڤێت جیاوازی بهێتە كرن دناڤبەرا ئەو كەسێن تووشی ئەڤی جۆرێ‌ ترسێ‌ دبن، دگەل ئەوێن خۆ ژ خوارنێ‌ دوور دگرن بۆ وێ‌ چەندێ‌ شێوێ‌ لەشێ‌ وان كرێت نەبیت.
ل دووڤ گۆتنێن تایبەتمەندان، ئەڤ جۆرێ‌ ترسێ‌ دهێتە پێناسەكرن ب وێ‌ چەندێ‌ كەسەك ل جۆرەك یان چەند جۆرەكێن خوارنێ‌ دوور دكەڤیت و جۆرەك ژ ترسێ‌ بۆ پەیدادبیت بەرامبەر وێ‌ خوارنێ‌، بۆ نموونە وەك شیر، مایۆنیز، فێقی و كەسكاتی، ژ ئەگەرێ‌ وێ‌ چەندێ‌ كو ئەو خوارن تێكچوون یان خراببوونێ‌ د رەوشا واندا پەیدادكەن.
هەروەسا ئەوێن سیبۆفۆبیایان هەی، ترس هەیە ل دەمێ‌ خوارنەكێ‌ بخۆن كێم هاتبیتە كەلاندن، لەورا هەتا ب دەستێ‌ خۆ ب باشی دكەلینن یان ب بژێرن، نەشێن بخۆن چونكو هەست دكەن دێ‌ تووشی نەخۆشییان دبیت.
تووشبوویێن ئەڤێ‌ نەخۆشیێ‌، دەمێ‌ كەسەكی دبینن خوارنێ‌ دروست دكەت نەشێن خۆ ژ بەرێخودانا وی دوور بگرن و دڤێت بزانن دەقیقە بو دەقیقێ‌ ئەو كەسە چاوا خوارنێ‌ دروست دكەت، ئەگەر تشتەك ل دروستكرنا خوارنێ‌ ب دلی نەبیت ئەو ئەوێ‌ خوارنێ‌ ناخۆن، هەروەسا ل وان خوارنانژی ترس هەیە كو دەمێ‌ سەرڤەچوونا وان نێزیك دبیت.

کۆمێنتا تە