نەهـ جورێن خوارنێ قەلەویێ پەیداناکەن

بەرپەرێ ساخلەمیێ:

دویڤ ڤەکۆلینەکا زانستی یا پلاتفۆرما «Gravity Transformation»، هندەک خارن هەنە تو دشێی ب رێژەیەکا باش بخۆیی بێی کو کێشا تە زێدە ببیت؛ چونکی ئەڤ خارنە هەستا تێربوونێ چێدکەن و هاریکاریا سۆتنا کالۆریان ددەن.
​ئەڤە ئەو 9 خارنن یێن کو شارەزا پێشنیار دکەن:
-1 هێک:
هێک یا دەوڵەمەندە ب پرۆتینی، ژبەر هندێ زوی مرۆڤی تێر دکەت. شارەزا دبێژن پشکەک ژ کالۆریێن هێکێ ل دەمێ هەرسکرنێ دناڤ زکێ مرۆڤی دا دهێنە سۆتن و هەمی ناهێنە مێژین.
-2 ماسیا سەلمۆن:
باشترە سەلمۆنا رویباران بهێتە خارن نەک ئەوا د حەوزان دا دهێتە خودان کرن، چونکی چەویا وێ کێمترە. ئەڤ ماسیە خودان پرۆتینەکێ بلندە و زوی مروڤی تێر دکەت.
-3 ساسا مەکسیكی:
ئەڤ ساسە ژ تەماتە، پیڤاز، فلفل، کزبرە و ئاڤا لیمۆنێ پێکدهێت. هەر دو کەچکێن مەزن ژێ کێمتر ژ 10 کالۆریان تێدانە. هەروەسا فلفللا تیژ تێدا هاریکاریا سۆتنا چەویێ ددەت.
-4 ترشی و مخلەلە:
کالۆری و چەویا ترشیی گەلەک یا کێمە و ڤیتامین و مینرالێن تێدانە. لێ ئاگەهدار بە، چونکی خوێ گەلەک یا تێدا، نەباشە بۆ وان کەسێن کو دڤێت خوێ کێم بخۆن.
-5 سینگێ مریشکێ:
باشترین ژێدەرە بۆ پرۆتینێ بێ چەوی. هەر 100 گرامێن سینگێ مریشکێ نێزیکی 165 کالۆریان تێدانە و 31 گرامێن پرۆتینی ددەتە لەشی، کو دبیتە ئەگەرێ تێربوونێ و ئاڤاکرنا ماسولکان.
-6 شتی:
پتریا شتی ئاڤە، ژبەر هندێ کالۆریێن وێ گەلەک کێمن. هەر 100 گرامێن شتی بتنێ نێزیکی 30 کالۆریان تێدانە، کو مروڤی تێر دکەت و لەشی ژی ژ تێهنێ دپارێزیت.
-7 کڤارک:
کالۆریێن کڤارکا د کێمن و مفایێ وێ یێ خوارنێ گەلەکە و تو دشێی ب زۆری ل ناڤ خوارنێن خۆ زێدە بکەی دا کو تێر ببی بێی کو کێشا تە گران ببیت.
-8 ​فلفلا ڕوومی (Felfel):
فلفلا ڕوومی کالۆریێن وێ گەلەک کێمن؛ ئێک دانەیا ناڤنجی بتنێ 30 بۆ 40 کالۆریان تێدانە. ژبەرۆو ئاڤ و ڕویشال گەلەکێن تێدا، زوی مرۆڤی تێردکەت.
-9 گەنمە شامی:
هەکە ب شێوەیەکێ ساخلەم بهێتە چێکرن (بێ چەوی و ب کێمترین خوێ)، گەنمەشامی خارنەکا گەلەک باشە و ڕویشال تێدانە.

کۆمێنتا تە