هالاند داخوازا گوهۆڕینا یاسایەكا فوتبۆلێ دكەت
ستێرێ نەرویجی و هێرشبەرێ یانەیا مانچستەر ستی یا ئنگلتەرایێ داخواز ژ فیدراسیۆنا فوتبۆلا جیهانێ فیفایێ كر یاسایا هاڤێتنا تەپێ ب دەستی ب شێوەكێ دی بهێتە گوهۆڕین، ئەڤ یاسایا بەحس ژێ دكەت ئەوە دەمێ تەپە دچیتە ژدەرڤەیی یاریگەهێ و دبیتە ئاوت یاریزان ب دەستی تەپێ بۆ هەڤالێ خوە د هاڤێژیت.
هەروەسان ئیرلینگ هالاندی بۆ دەزگەهێن راگەهاندنێ گۆت: ئەڤ یاسایە یا بێزارە بۆ یاریزانان، نە یا گرنگە یاریزان چەوا تەپێ ب دەستی بۆ هەڤالێ خوە پاڤێژیت، بەلكو یا گرنگ تەپە یا ددەستی دا چەوا پاڤێژیت دروستە، هەروەسان دڤێت ل جهێ تەپە ئاوت دبیت دادڤان نیشانەكێ ب دانیت و نەهێلێت یاریزان ژ وی جهی بۆریت و پێگیریێ پێ بكەت.
ل دووڤ یاسایا هژمارەیا 15 د فوتبۆلێ دا دەمێ هاڤێتنا تەپی ب دەستی دڤێت هەردو پێن یاریزانی ل سەر هێلا لایێ یاریگەهێ بن یا دەرڤەیی یاریگەهێ دگەل ملل و سەرێ وی، هەروەسان دڤێت یاریزانێن هەڤڕك دو متران ژ یاریزانێ تەپێ د هاڤێژیت دووربیت.