هندەك دیزاینەر دەستكاریێ دجلكێن كوردی دا دكەن
سولین سلێمان:
شیرازحسێن، دیزاینەرەكا خەلكا سلێمانیێ یە، پتری چار سالانە كارێ دیزاینكرنا جلكێن ژنان دكەت، د دیدارەكێ دا بۆ رۆژناما ئەڤرۆ دبێژیت: ژبەر حەزا منا بێ سنۆر بۆ جلكێن كوردی من ئەڤ كارە هەلبژارت و یا دلخۆشم كو بشێم گەلەك دیزاینێَن بەرێ بزڤرینمە ڤە، چنكو جلكێن كوردی ب هەموو جۆر و دیزایێن خوە ڤە دجوانن و چو جاران دگەل وێ چەندێ نینم كو دەستكاریێ د دیزاینیێن بەرێ دا بكەن، چنكو رەسەناتیا وەلاتێ مە تێدا دیاردكەت، لێ مخابن هندەك دیزاینەر هەنە دەستكاریێ دكەن و شێواندینە.
هەروەسا گۆت: ئەزا بەرهەڤم شارەزاییا خوە دبۆارێ دیزاینێ دا نیشا هەر خانمەكێ بدەم و هەكە لایەنەك هەبیت خۆلەكا فێركرنێ ڤەكەت ئەز دێ چم وان فێركەم و داخوازێ ژ هەر خانمەكێ دكەم یێن ئەڤ حەزە ل دەف هەبیت بلا بهێت دێ پشتەڤانیا وێ كەم.
