هه‌موو ئامیرێن مۆزیكێ ته‌مامكه‌رێن ئێكن

هه‌موو ئامیرێن مۆزیكێ ته‌مامكه‌رێن ئێكن

4

هه‌رهین محه‌مه‌د:

هونه‌رمه‌ندێ مۆزیكژه‌ن كوڤان عه‌بدولخالق عه‌لی، ددیداره‌كێ دا بۆ به‌رپه‌رێ هونه‌ری یێ رۆژنامه‌یا ئه‌ڤرۆ گۆت: د مۆزیكێ دا باشتره‌ مرۆڤی باگراوه‌نده‌ك و پێزانین ل سه‌ر هه‌موو ئامیران هه‌بیت، ژبه‌ركو ئامیرێن مۆزیكێ هه‌موو ته‌مامكه‌رێن ئێكن وه‌كو مۆزیكژه‌نه‌ك من گه‌له‌ك ئامیرێن مۆزیكێ ژه‌نینه‌ و پێزانین من ل سه‌ر هه‌نه‌، به‌لێ ئه‌و ئامیرێن ئه‌ز ره‌هوان ئامیرێن فوداری نه‌ وه‌كو( نای ، باله‌بان، زرنا) و هه‌روه‌سان ئامیرێن ژێداری ژی وه‌كو( ساز، عود) كو نوكه‌ ژی خاندنا من یا په‌یمانگه‌ها داسنیا ل سه‌ر ئامیره‌یێ عودێ یه‌.
هێشتا گۆتژی: مه‌رجه‌ هونه‌رمه‌ند ئه‌كادیمی بیت، چونكو لایه‌نی پراكتیكی تێرا هندێ ناكه‌ت مرۆڤ گه‌له‌ك پێش بكه‌ڤیت و دێ ئاسته‌كی راوه‌ستیت و داهێنانێ وه‌كو پێدڤی ناكه‌ت، ئانكو تیوری و پراكتیكی دوو په‌یڤن و ژێك ناهێنه‌ جوداكرن و ژبه‌ر ئه‌ڤێ چه‌ندێ من به‌رێ خوه‌ دا خواندنا ئه‌كا دیمی داكو هونه‌رێ خوه‌ دچارچوڤه‌كێ زانستی دا ئاڤاكه‌م
هه‌روه‌سا كوڤانی گۆت: ب مخابنی ڤه‌ دێ بێژم هونه‌رێ مۆزیكێ ئه‌و زانستێ گرێدای ژیانا هه‌ركه‌سه‌كی نانێ ژیانێ وه‌كو پێدڤی بۆ من په‌یدانه‌كریه‌، له‌ورا پتریا هونه‌رمه‌ندان ژ بۆ ده‌ربازكرنا ژیانا خوە كاره‌كێ دی دكه‌ن و هه‌كه‌ مۆزیكژه‌نی چو موچه‌و هاریكاری نه‌بوون ل وی ده‌می دێ نه‌چار بیت ل رێكه‌كێ بگه‌ریت هونه‌رێ خوه‌ ژی تێدا نیشانده‌ت و داهاته‌ك ژی بۆ خوه‌ په‌یدابكه‌ت و چه‌ندین جاران یانه‌یێن شه‌ڤێ داخازژ من كریه‌ وه‌كو مۆزیكژه‌ن ل گه‌ل وان كاركه‌م، به‌لێ من داخازیا وان ره‌تكریه‌ و بتنێ نوكه‌ ل مۆزیكێ ل ئاهه‌نگێن خێزانی دژه‌نم كو دگونجاینه‌ ل گه‌ل جڤاكێ كوردی.

کۆمێنتا تە