ههڤڕكییا ناسناڤێ كوردستانێ و مانا د خولێ دا پتر شاراندیه
قەیس وەیس:
پشتی ب دووماهی هاتنا یاریێن گهڕا 27ێ ژ ههڤڕكیێن خولا پلا نایابا كوردستانێ یا تهپاپێی شهڕێ ئاگرین ل سهر دو تهوهران دهێته كرن، چهند یانه شهڕێ رێزبهندیێ بۆ سهڕێ لیستێ و ناسناڤی دكهن و چهند یانهیێن دی ههنه شهڕی بۆ مانا خوه د خولێ دا دكهن.
ئاكرێ بهردهوامه ل سهر هیڤیێن خوه
ب سهركهفتنا ههر ئێك ژ یانهیێن ئاكرێ و پێشمهرگهیا ههولێرێ و وهكههڤییا شێروانه د ڤێ گهڕێ دا شهرێ ب دهستڤه ئینانا ناسناڤێ شاریاییه و قارهمانا وهرزێ ئهڤ ساله مایه ههلاویستی، د نوكه دا ئاكرێ ب 47 خالان رێزا ئێكێ دهێت، پێشمهرگهیا ههولێر ب45 خالان رێزا دویێ و شێروانه ب 43ێ خالان رێزا سێیێ دهێت، ههكه یانهیا ئاكرێ د ههرسێ یاریێن داهاتی بهرانبهر برایهتی، ئارارات و چوارقۆرنه سهركهڤیت، دێ ناسناڤی مسۆگهر كهت، ژلایێ خوهڤه پێشمهرگه ژی سهركهفتنێ د ههرسێ یاریێن خوهدا بینت و ئاكرێ د یاریهكێ دا خوسارهتی ههبیت، دبهرانبهر دا شێروانه پێدڤی ب دارێ سێربهندیێ یه بۆ ناسناڤی.
شهڕێ مانا د خولێ دا ئاگرینه
ل دووڤ رێزبهندییا نوكه یا گهڕا 27ێ تا دههـ یانه كو ژ رێزا حهفتێ ههتا 16ێ د ناڤبهرا هێلا سۆر یا پاشڤهچوون بۆ پلا ئێك كو مهترسییا داكهفتنێ ل سهر ههیه، دهربهندیخان ب35 خالان رێزا حهفتێ، زاخۆ، چوارقۆرنه، ب ههمان خالان رێزێن ههشت و نههێ دهێن،دهۆك ب33 خالان رێزا10ێ، سهیدسادق ب32 خالان، برایهتی32 خال، ههولێر 31خال، ئارارات 31 خال، شهقلاوه 30خال و سۆران ب27 خالان رێزێن 11ێ ههتا16ێ دهێن ئانكۆ دناڤبهرا ههموو یانهیان دا ههتا ههشت خال ههنه و سێ یاری ماینه خول ب دووماهی بهێت.