هونەر نامەیەكا ڤەشارتیە هەموو كەس نەشێن ببینن

هونەر نامەیەكا ڤەشارتیە هەموو كەس نەشێن ببینن

4

موسا خالد:

شێوەكار (شەڤین سەباح) كو نوكە قوتابیە ل زانكۆیا دهۆك، د دیدارەكێ‌ دا بۆ رۆژناما ئەڤرۆ گۆت: نوكە ئەز دو كاران پێكڤە دكەم، چێكرنا كەڤالان، هەروەسا كارێ‌ دیزاینێ‌ ژی و بۆ هەردو كاران ل دەستپێكێ‌ ئەز ب خوە پشتەڤان بووم، لێ‌ نوكە مالبات ژی پشتەڤاننـ ب تایبەت ژی بابێ‌ من.
هەروەسا گۆت: بابێ‌ من گەلەكێ‌ هاریكارە كو بزنزەك، ئانكو كارەكێ‌ ئۆنلاین ب ناڤێ‌ (شەڤین ئارت) ب دانم و وێنە ب هەر شێوەكێ‌ هەبیت ل دووف داخوازیان ب سێ‌ شێوان(پێنۆسێ‌ رساسی، رەنگێن داری، رەنگێن زەیتی) چێكەم، هەروەسا كارێ‌ دیزاینێ‌ و چێكرنا لۆگۆیان و گەلەك كارێن دی یێن هونەری و هەردەم ئەز دبێژم هونەر نامەیەكا ڤەشارتیە هەموو كەسان شیانێن دیتنا وێ‌ نینن، ژبەر هندێ‌ حەزدكەم هەردەم كارێن نوو بكەم و تشتێن نوو بینمە د هەبوونێ‌ دا و خۆشحالم كو شیایم ل دەمەكێ‌ زوو خوە بینمە د هەبوونێ‌ دا.

کۆمێنتا تە