هۆزەڤان زاهد: ئەڤسالە دێ پشكداری د خولا ئیراقێ دا كەین
رەمەزان زەكەریا:
دداخویانیەكێ دا سەرپەرشتێ یانەیا ئاكرێ یا وەرزشی ئاشكراكر، بۆ وەرزێ ئەڤسالە تیما وان یا فوتبۆلێ ب باشترین شێوە خوە بەرهەڤكریە بۆ خولا نایابا كوردستانێ، دەرفەتەك هاتیە پێش ل خولا ئیراقێ پشكدار بین و دێ هەڤركیێ ل سەر هەموو ناسناڤان كەین وەكو وەرزێ بوری كو ئەڤسالە كۆپا كوردستانێ و سۆپەرا كوردستانێ و خولا نایاب ب دەستڤە بینین .
زێدەتر هۆزڤان زاهد ئاكرەیی بۆ ئەڤرۆ گۆت: ئەڤسالە باشترین یاریزان ل سەر ئاستێ یانەیا مە هەلبژارتینە بۆ پێكهاتەیا سەرەكیا یانەیا ئاكرێ گرێبەست دگەل ئیمزا كریە، دو یاریزانێن سەرەكی تووشی هنگاڤتنێ بووینە جهێ وان ب یاریزانێن یەدەك هاتینە پركرن، سوپاس بۆ كابینا نەهێ یا حكومەتا هەرێما كوردستانێ ب سەرۆكاتیا مەسرور بارزانی كو دو سالە پشتەڤان و هاریكار دگەل یانەیا ئاكرێ دكەت.
ناڤبری گۆتژی: بەری دەستپێكرنا خولا نایابا كوردستانێ یانەیا ئاكرێ سۆپەرا كوردستانێ ب دەستڤەئینا دگەل یانەیا هندرێن، ئەڤسالە هەتا نوكە یانەیا ئاكرێ دو یاری ئەنجامداینە و یاریەكا پاشئێخستی هەیە، ل ئەنجامێ دو یاریا شەش خال ب دەستڤەئیناینە و ئەم چاڤەرێ بریارا فدراسیۆنا فوتبۆلا كوردستانێ دكەین بۆ بریاردان ل سەر یاریا یانەیا ئاكرێ بەرامبەر یانەیا هەولێر ئەوا ژبەر نەبوونا یاریگەهێ و نەبوونا یاریگەها پێگكهۆر یاری نەهاتیە ئەنجامدان،ل گۆر یاسایا فوتبۆلێ بڤی رەنگی یاری ب سەركەفتنا ئاكرێ دهێتە هژمارتن و هەتا نوكە چ بریار نەهاتینە دان.
ناڤهاتی خویاكر: ل وەرزشێ دا سەركەفتن و خوساربوون هەیە وەرزێ بووری دەستپێكا وەرزی ئاستێ یانەیێ وەك ئەڤسالە یێ باش نەبوو، یانەیێ راهێنەرەكێ باش و كارگێریەكا باش هەیە دگەل یاریزانا و هەموو پێدڤیێن یاریزانا ل دەمێ خۆ دهێنە دابینكرن یانەیا ب خودانە ئەڤ ئەنجامێن باش دەرئەنجامێن پشتەڤانیێ یە ل یانەیێ.
