هیڤیا وی ئه‌وه‌ هێمایه‌كێ‌ بازرگانی هه‌بیت

هیڤیا وی ئه‌وه‌ هێمایه‌كێ‌ بازرگانی هه‌بیت

2

دهۆك، شاهۆ فه‌رید:

محه‌مه‌د لوقمان، گه‌نجه‌كێ‌ خه‌لكێ‌ دهۆكێ‌ یه‌، حه‌زا چێكرنا ریكلامێن جلكان (فاشیۆن) هه‌یه‌، به‌ری نوكه‌ پشكداری د چه‌ند به‌ریكانێن نیشادانا جلكان دا كریه‌ و ل سه‌ر ئاستێ‌ دهۆك و هه‌ولێرێ‌ رێزا ئێكێ‌ ب ده‌ستڤه‌ئینایه‌، نوكه‌ یێ‌ خوه‌ به‌رهه‌ڤ دكه‌ت دا ل ئیلۆنا ئه‌ڤ ساله‌ پشكداریێ‌ د به‌ریكانه‌كا دی دا بكه‌ت كو دێ‌ ل سه‌ر ئاستێ‌ هه‌رێمێ‌ بیت، هه‌روه‌سا به‌ریكانه‌كا دی ژی ل وه‌لاتێ‌ توركیا كو دێ‌ ب ناڤێ‌ هه‌رێما كوردستانێ‌ پشكداریێ‌ دوێ‌ به‌ریكانێ‌ دا كه‌ت.

محه‌مه‌د بۆ ئه‌ڤرۆ دبێژیت: ل سالا 2019 من ده‌ست بڤی كاری كریه‌، خالێ‌ من و هنده‌ك هه‌ڤال پشته‌ڤان بوون و ئه‌ز هاندام كو هه‌تا نوكه‌ یێ‌ به‌رده‌وامبم، راسته‌ كێم كه‌س ل دهۆكێ‌ هه‌نه‌ ڤی كاری دكه‌ن، لێ‌ هێدی هێدی یێ‌ جهێ‌ خوه‌ دگریت و ئه‌ز ل دووف داخوازیا خودانێن پێشانگه‌هێن جلكان ریكلاما وان دكه‌م، ئه‌ڤ كاره‌ بۆ كۆڕا یێ‌ ب زه‌حمه‌ته‌ و بۆ كچان ب ساناهی تره‌، و سۆشیال میدیا بۆ من بۆیه‌ ده‌رگه‌هه‌ك كو كارێن خوه‌ نیشاده‌م و هیڤیا من ئه‌وه‌ من هێمایه‌كێ‌ بازرگانی یێ‌ تایبه‌ت هه‌بیت و ستایلێن تایبه‌ت پێشكێش بكه‌م.

کۆمێنتا تە