هیڤیا وێ ئەوە جهەكێ تایبەت هەبیت
هێلین سالم:
رۆناهی هاشم، ئافرەتەكا خەلكا دهۆكێ یە، كارێ چێكرن و نەخشاندنا شال و دەرسۆكێن ئافرەتان دكەت، د دیدارەكێ دا بۆ رۆژنامەیا ئەڤرۆ گۆت: ئەڤە (13) سالن ئەز ڤی كاری دكەم، ل دەستپێكێ من كارێ چنینا لیفكان دكر و جلكێن كوردی ب مۆركان د نەخشاندن، هێدی هێدی من كارێ خوە پێشڤەبر و نوكە پتر داخوازی ل سەر دەرسۆكێن ڕەش و سپی هەیە و ئەم ب مۆركان د نەخشینین.
هەروەسا گۆت: نوكە من (9) كارمەند هەنە و ئەم پێكڤە كاردكەین و گەلەك جۆرێن دەرسۆكان و شالان چێدكەین و ب كۆم د فرۆشینە دكاندارێن دهۆك و هەولێرێ و بۆ مە داهاتەك ژێ دهێت ئەم دشێین كەرەستەیێن كاری پێ بكڕین و هیڤیا من ئەوە من دكانەك یان جهەكێ تایبەت بۆ كارێ خوە هەبیت دا بشێم دەلیڤەیا كاری بۆ گەلەك كچ و ژنێن دی پەیدا بكەم.
