هیڤیا وێ ئەوە درامایا كوردی بگەهتە ئاستێ یا جیهانی
سولین سلێمان:
ئەكتەرا بەرنیاس (بەیان زەریفی) كو خەلكا پارێزگەها سلێماتیێ یە و دەرچۆیا پەیمانگەها هونەرێن جوانە، د دیدارەكێ دا بۆ رۆژناما ئەڤرۆ دیاركر كو وێ هەموو ژیانا خوە بۆ خزمەتكرنا هونەری تەرخانكریە و هەتا نوكە وەك ئەكتەر پشكداری د چەندین فلم و دراما و شانۆگەریان دا كریە، ژوانا ( گۆلەبەرۆژە و بەرۆژەكان، حەسنە ئەفەندی و نیشتیمان، نامەكانی ئەشرەف، خانمی سپێدە) و چەندین كارێن دی و هندی ئەو دژیانێ دا ما بیت دێ یا بەردەوام بیت.
هەروەسا گۆت: داخوازا من ژ وەزارەتا رەوشەنبیری ئەوە ژ نوكە وێڤە پتر گرنگیێ ب هونەر و هونەرمەندان بدەن، ب تایبەت ژی دراما كوردی و هەكە پشتەڤانی هەبیت دێ درامایێن گەلەك باش هێنە چێكرن و هیڤیا من ئەوە دراما كوردی بگەهتە ئاستێ یا جیهانی.
