هەرخێزانەك 100 لێترێن گازا سپی ب 25 هزار دیناران دێ وەرگریت
هەرهین محەمەد:
بریندار حەیدەر، دەڤەردارێ دهۆكێ بۆ ئەڤرۆ ئاشكراكر، ل دەمەكێ نێزیك پلێتێن گازێ ل سەر بریكارێن ئاهێن خوارنێ دێ هێنە بەلاڤكرن و هەر خێزانەك 100 لێترێن گازا سپی ب 25 هزار دیناران دێ وەرگریت.
دەڤەردارێ دهۆكێ گۆت: «بەری دو مەهان مە ل سەرانسەری پارێزگەها دهۆكێ دەست ب بەلاڤكرنا گازا سپی ل دەڤەرێن چیایی ل سەر وەلاتیان كربوو، ب تنێ ل سەنتەرێ پارێزگەهێ مایە، ئەڤە دەمەكە ئەم كار ل سەر هندێ دكەین، پلێتێن گازێ ل سەر بریكارێن ئاهێن خوارنێ بهێنە بەلاڤكرن و ئەو ژی ل سەر وەلاتیان بەلاڤ بكەن و وەلاتی بەهرا خۆ یا گازا سپی وەربگرن، نوكە رێژەكا دەستنیشانكری یا پلێتا گەهشتیە سەنتەرێ دهۆكێ و ئەم دێ دەستپێكەین و گازا سپی ل سەر وەلاتیان دی هێتە بەلاڤكرن».
