هەر جهەكێ تابلۆ لێ‌ هەبیت دڤێت خەلك مەلەڤانیا تێدا نەكەن

هەر جهەكێ تابلۆ لێ‌ هەبیت دڤێت خەلك مەلەڤانیا تێدا نەكەن

7

دهۆك، پەروین سەلاح

بەرپرسێ راگەهاندنا بەرەڤانیا باژێرێ دهۆكێ راگەهاند، ئەگەر ئەم بەراوردیێ د روودانێن خەندقینێ دا بكەین، ژ سالا بووری پترن و د ئەڤ سالە دا هەتا نوكە چوار كەس خەندقینە و ل سالا پار كێمتر روودانێن خەندقینێ هەبووینە و گۆت: چوار بنگەهێن تایبەت یێن نقومڤانان دێ ل ڤێرێ‌ هێنە دابینكرن ژ بۆ وێ چەندێ بشێن ل نێزیك روودانێن خەندقینێ رزگاربكەن و هاوولاتیان قورتال بكەن.

بێوار عەبدولعەزیز بەرپرسێ راگەهاندنا بەرەڤانیا باژێرێ دهۆكێ بۆ رۆژناما ئەڤرۆ گۆت: رێڤەبەریا بەرگری و شارستانی د بەرنامەی دایە 14 بنگەهـەهێن دی بهێنە ڤەكرن، چوار ژ وان ئەو بنگەهێن دەمێ روودانێن خەندقینێ پەیدادبن، تیمێن نقومڤانان لێ هەبن.
ناڤهاتی گۆت ژی: بۆ نموونە ل ناحیا خانكێ روودانێن خەندقینێ سالانە گەلەك پەیدادبن، هەروەسا ل بەنداڤا دهۆكێ و ناحیا شێلادزێ و ناحیا دێرەلۆكێ، چوار بنگەهێن تایبەت یێن نقومڤانان دێ ل ڤێرێ‌ هێنە دابینكرن ژ بۆ وێ چەندێ بشێن ل نێزیك روودانێن خەندقینێ رزگاربكەن و هاوولاتیان قورتال بكەن.
بێوار ئاماژە ب وێ چەندێ ژی دا: ئەگەر ئەم بەراوردیێ بكەین روودانێن خەندقینێ پترن ئەڤ سالە ژ سالا پار و د ئەڤ سالە دا هەتا نوكە چوار كەس خەندقینە و ل سالا پار كێمتر روودانێن خەندقینێ هەبووینە.
ناڤبری گۆت: رێڤەبەریا بەرگری و شارستانی نامیلكە بەلاڤكرینە و ل هندەك جهان تابلۆ لێ داناینە ژ بۆ هندێ هاوولاتی ئاگەهداربیت ل سەر وان جهان، د قەدەغە و مەترسینە و ناچێبیت خوە نێزیك بكەن، ل وەزارەتا ناڤخۆ ل هەرێما كۆردستانێ هەموویێ ئەڤ كارە ئەنجام دایە.
بێوار ل دووماهیێ گۆت ژی: ئەڤجا د خوازم هاوولاتی ئاگەهداربن، هەر جهەكێ ئاڤ لێ و بزانیت تابلۆ ل وێرێ هەبیت بلا مەلەڤانیا تێدا نەكەت و مەترسی ل وی جهی هەیە، دەمێ لافاو ژی دروست بووین، گەلەك دار و تراش و بەر دگەل خوە ئیناینە. ڤان لافاوان ژی كارتێكرن ل هندەك جهێن ئاڤ لێ هەی كریە، لەورا هەر هاوولاتیەك یێ هشیاربیت ژ مەترسیان و هاركاربیت دگەل مەدا، نەچنە ڤان جهان، دا گیانێ وان یێ پاراستی بیت.

کۆمێنتا تە