هەڤپەیمانیا پێنج قۆلی یا حزبێن ئەرەبی ل كەركووكێ هەلوەشیا
ئەڤرۆ
هەڤپەیمانیا پێنج قۆلی یا حزبێن ئەرەبی ل كەركووكێ پشتی 24 دەمژمێران ژ پێكئینانا وێ پارچەبوون تێدا پەیدابوو و ب سەر سێ لیست و هەڤپەیمانیان دا بەلاڤە بوون.
نەرازیبوونا ئالیێن د ناڤ هەڤپەیمانیا ئەرەبی دا گەهشتە ئاستەكی كو هەموو بزاڤێن دووبارە ڕێكخستنا وێ هەڤپەیمانیێ د بێ مفا و ئەنجام بن و ڕاكان سەعید ب ئەگەرێ پەرت و بەلاڤبوونا ناڤمالا ئەرەبی ل كەركووكێ ب هەژمێرن.
عەزام ئەلحەمەدانی، پەیڤدارێ هەڤپەیمانیا ئەرەبی ل كەركووكێ گوت» تووشی حێبەتیێ بووین كو هەڤپەیمانیا ئەرەبی بەیاننامە دەركریە و تێدا هاتیە كو ئەم د دوورین ژ وان دانوستاندنان و د پێگیر نینین ب وێ ڕێككەفتنێ، د دەمەكی ل دۆر دانوستاندنان د ئاگەهداربوون، هەروەسا پارێزگەر ئاگەهداری دانوستاندنان بوو، بەلێ ئەو چوویە دناڤ لیستا سیادە دا».
بەیاننامەیا پێكئینانا هەڤپەیمانیا ئەرەبی ژ ئالیێ پەیڤدارێ وێ هەڤپەیمانیێ ڤە هاتە خواندن كو ڕاكان جبووری سەرۆكایەتیا وێ دكەت، بەلێ ڕاكان سەعید د بەیاننامەیێ دا دبێژیت، ئاگەهداری وێ هەڤپەیمانیێ نینە و دێ خوە ژێ ڤەكێشیت و دێ هەڤپەیمانیەكا سێقۆلی ڕاگەهینیت.
عیماد هەمام، شیرەتكارێ پارێزگەرێ كەركووكێ دبێژیت» بۆ ڕێگرتنێ ل دوورخستنا ئەندامێن جڤاتا نوونەران و نوونەرێن كەركووكێ د حوكمەتا ئیراقێ دا، ئەو بڕیارە دەركر و ب دیتنا وی ڕاگەهاندنا وێ هەڤپەیمانیێ یا زوو بوو و دەرئەنجام ئەو وەكو سەرۆكێ هەڤپەیماینا ئەرەبی كەس سەرپشك نەكریە تاوەكو هەڤپەیمانیا ئەرۆبی پشكدار ببیت د هەڤپەیمانیەكا نڤیسكی و ڕاگەهاندی».
نێزیكی 18 سالایە هەلبژارتنێن جڤاتا پارێزگەهان ل كەركووكێ نەهاتینە ئەنجامدان، ئالیێن ئەرەبی هەكە كێشەیێن ناڤخوەیی ژی هەبن، بەلێ بەرهەڤیێن خوە دەستپێكرینە، بەلێ ئالیێن كوردستانی یێن كەركووكێ هیچ پێنگاڤەك بۆ وێ پرۆسەیێ نە ڕاگەهاندیە».
