هەیبەتا داعش ل كوبانێ‌ هاتە شـكاندن

هەیبەتا داعش ل كوبانێ‌ هاتە شـكاندن

6

ديدار، سالار محةمةد دؤسكى:

فەریق عەبدولقهار دۆسكی ، گۆت: دەمێ‌ ل كوبانێ‌ گەلەك بۆ ئاوارا عاجزبووم چونكە دەراڤەكێ‌ گەلەك نەخوش دابوون و گەلەك جاران ترارەك بخوە تینە و گۆتن خوارنێ‌ بوومە یان هندەك نانی و هەردەم من خوارنا خوە دایێ‌ و هندەك ئەرزاق ژی مابوو ئەوا خانیان دا مە ئەو ژی دا وی خەلكێ‌ ئاوارە و داعش قەنینێن غازێ‌ مە وەردكر و ڤێ‌ دووماهیێ‌ چ نەما ئەو قەنینێن ئوكسجینێ‌ هەمی بزماردكر و تێنتی دكر و دهاڤێتە ناڤ خەلكی و یا نەخوش بوو و داعش چ جارا جهێ‌ خوە نەبەردا و هەتا هاتبا كوشتن یان هاتبا گرتن.
فەریق عەبدولقهار دۆسكی ، پێشمەرگەگ شەهید بوو و نێزیكی (16) بریندارا و برینێن وا سڤك بوون و هەتا (2000) هزار داعشا هاتینە كوشتن و گەلەك ئاڤاهیان هند تەرم كەتبوونە بن بهێن كەتبوو وارا و هەشت دەبابێن داعش مە تەقاندن و پشتی لیوا شەوكەت هاتیە جهێ‌ مە كارێ‌ مە ب دووماهی هات و هەر هەمی كومەلگەه و گوندێن كوبانێ‌ ژی هاتنە ئازادكرن و هەتا گەهشتینە (رەقە) و هەر هەمی جهێ‌ كوردان هاتنە ئازادكرن و بەردان.
سەرپەرشتێ‌ پێشمەرگەی ل كوبانێ‌ فەریق عەبدوالقهار دۆسكی ئەو ژی گۆت: جارەكێ‌ شەرڤانەكا ئافرەت داخاز ژ من كر داخازێ‌ ژ سەرۆكی بكەم دو قەناص و دو بیكەسی، دو دێربینی شەڤێ‌ فرێكەت و من ژی پەیوەندی ب سەركردایەتی یا كوردستانێ‌ كر و ب رێكێن نهێنی و رۆژا پاشتر هەر هەمی داخازیێن مە كرین گەهشتنە كوبانێ‌ و گەلەك كەیڤا ئەوا شەرڤانان هات و كچێن وان گەلەك زیرەك بوو و خالێن شەرەڤانان جودابوون كچ جودا و كور جودا و پێشمەرگە نێزیكی شەش هەیڤان ما ل كوبانێ‌ و خەلكێ‌ كوبانێ‌ گەلەك حەژ پێشمەرگەی و جەنابێ‌ سەرۆكی كر.
فەریق عەبدولقهار دۆسكی گۆت: هەمی گاڤا سەركردێن یەپەكێ‌ ل گەل مە بوون و گۆت توباوەر كەی كوبانێ‌ بهێتە ستاندن من گۆتێ‌ بەلێ‌، لێ‌ دەم بۆ دڤێت چونكە شەرێ‌ كولان كولان یێ‌ بزحمەتە و هەتا گەهشت بوو وی ئاستی ئێك ئاڤاهی شەرەف و داعش تێدا بوون و هەر دوكا دیوار شكاند و كا كی دێ‌ بەری كێ‌ روومانێ‌ هاڤێت و دناڤبەرا مە و داعش (مەتر) بوون و هەما بتنێ‌ جادەك بوو.
ناڤبری گۆت: پشتی ڤەگەریان ژ كوبانێ‌ چووینە دەف جەنابێ‌ سەرۆكی و دەست خوشی ل مەكر و گەلەك كەیفا مە هات و گۆت من باوەرنەدكر هوون دێ‌ ڤەگەرن و من گۆت كەسەك قورتال نابیت و گۆت سوپاس بۆ خودێ‌ هەمی ب سلامەتن.
ناڤبری ئەو ژی گۆت: ل هەمی شەرێن جیهانێ‌ توپخانە شەری ئێكلا دكەت چونكە توپاخانە چەكەكێ‌ دیر هاڤێژە و دێ‌ نووتەراتیا هەمی سەنگەرێن شەری كەت و خالێن دوژمنی هەمی یا دێ‌ راكەتن یان دەمێ‌ هێرش دهێت دێ‌ ب توپان راكەت و دێ‌ دوژمنی شكێنت و خوسارەتیەكا مەزن دێ‌ دەتە دوژمنی و دووڤ دا هێرش دهێتەكرن و ئانكو بگشتی بێ‌ توپاخانە چ شەر ب سەرناكەڤن.
ل دور شەرێ‌ حەشدا شەعبی، فەریق عەبدولقهار دۆسكی گۆت: ل سحێلا بووم و حەشدا شەعبی هێزەكا مەزن ئینا و بەرهەڤی كرن بۆ هێرشكرنێ‌ و پێشتر مە زانیاری هەبوون ل سەر هێرشكرنا حەشدا شەعبی، ئەم رابووین ب ڤەگوهاستنا توپێن خوە بۆ لایێ‌ بەرئاڤێ‌ و پلانا خوە مە گوهوری لایێ‌ رویباری تەنشێت باتێلێ‌ و هێرشێ‌ دەست پێكر و زانیاری بوومە هاتن ل سەر جهێ‌ كومبوونا وان و ئێكجار ب توپا مە لێدا و ئەم شیاین خوسارەتیەكا مەزن بگەهینە حەشدا شەعبی و مە نەهێلا هێزێن وان زێدەتر بهێنە دەڤەرێ‌ و مە گەلەك پشتەڤانیا هێزێن خوە کر و ئەم شیاین شەری وەربگرین و پتر ژ نیڤا شەری ل سەر مللێت توپخانا بوو، گەلەك هێرشێن وا مە شكاندن و ئەفسەر و پێشمەرگێن مە گەلەك و گەلەك زیرەك بوون و ئارمانج خوە ئینان و شیان دوژمنی بشكێنین و هەتا بوویە شەڤ و دا هێرشێ‌ كەین و دەڤەرێن، خوە وەربگرینە ڤە و مە دەست هاڤێتە هێرشێ‌ و نێزیكی 15 خولەكان رەمیەكا مەزن مە لێكر، دووڤ دا جەنابێ‌ سەرۆك (مەسعود بارزانی) ل گەل من ئاخفت و گۆت لیوا توپا ب راوستینن و هاتە زانین كو سەرۆك وەزیرێن ئیراقێ‌ پەیوەندی ل گەل هەرێما كوردستانێ‌ كربوو و دیاركربوو كو زیانێن مەزن ب حەشدا شەعبی كەفتینە و جەنابێ‌ سەرۆكی شەر راوستاندن و رۆژا دووڤ دا سەرۆكی كومكرین و كومبوونەكا بەرفرە ل گەل مە هەمی بەرپرسێن رۆژئاڤا دیجلە كر و مە بەحسێ‌ شەری كر و دووماهیێ‌ گۆت قهار تە چ كر من گۆتێ‌ جەنابێ‌ سەرۆكی توزانی گۆت والله لاڤ لاڤا سەركردێن حەشدا شەعبی یە و سەركردێ‌ فرقێ‌ دبێژیتە ئامر لیوا هێرشێ‌ بكە و ئەو نەوێرن ژ بەر توپا و سەرۆك ئەركان بێژیت هێرشێ‌ بكەن و هەمان بەرسف هەیە و بێژن توپ گەلەك یێ‌ دهێن و نەشێین ئێك پێنگاڤ ب هاڤێژین و جەنابێ‌ سەرۆكی دەست خوەش ل مەكر و گۆت: لیوا هەکە توپخانە نەبا رەنگە لەشكرێ‌ ئیراقێ‌ هەتا سەر ئاڤێ‌ هاتبا و دەستێن هەوە خوش بن و هەوە دوژمن شكاند و نەهێلا بگەهیتە ئارمانجێن خوە و پشتی ژ كومبوونێ‌ دەركەفتین جەنابێ‌ سەرۆكی گازی من كر و گۆت وەرە گۆت هەکە جارەكا دی هێرشێ‌ بكەنە مە دێ‌ هەمان هەلویست تە هەبیت كو دوژمنی ل سەنگەرا و ب ئەڤێ‌ هێزا مەزن ڤە بشكێنی من گۆتێ‌ جەنابێ‌ سەرۆكی پشست راسبە مە هێزێن خوە زێدەكرینە و گەلەك كەیفا وی هات و دەست خوەشی ل مە هاتەكرن و هەکە توپخانە نەبیت چ شەر ئێكلانابن و هەر دەم توپخانە ل هەمی هێرشا ل هەمی لەشكران یا مەقدورە و هەردەم دیاری بۆ ئسنادێ‌ دهێن و بێژن توپخانە ل پشتێ‌ یە هوون دوری دوژمنی نە و ئسنادێ‌ گەلەك دیاری وەرگرتن و دیاریا مە یا باش مە دوژمن شكاند و جەنابێ‌ سەرۆك مەسعود بارزانی دەست خوشی ل مەكر و دیاری دامە و دەست خوشی ل مەكر و گۆت ئەگەر هوون نەبان ئەم ل ڤێرە نەبووین وی شەری دا جەنابێ‌ سەرۆكی سێ‌ جارا ل گەل من ئاخفت و مورالا مە هەمی یا بلندكر، لەوما داخاز ژ سەركردێن لەشكری دكەم هەردەم رولێ‌ توپخانێ‌ ژ بیر نەكەن و ئەوا ژی وەك ئسنادێ‌ ب هەژمێرن و ئەگەر توپخانە نەبیت چ پولین نین.
فەریق عەبدولقهار دۆسكی ئەو ژی گۆت: ل هەر شەرەكێ‌ هەبیت دەمێ‌ پلان دهێتەدان بێژنە منشات دێ‌ هێرشێ‌ ڤی جهی كەی و ئەو دێ‌ بێژیت پا توپخانە دێ‌ كیڤە بیت؟ چونكە ئەگەر توپخانە نەبیت لەشكر نەشێت لڤینێ‌ بكەت و ئەگەر ل كوبانێ‌ ب توپخانێ‌ هاتە رزگاركرن و دەمێ‌ مە كوبانێ‌ ئازادكری ل لایێ‌ رەبیعە هەتا دگەهیتە باشورێ‌ حسكە هەمی مە هاریكاریا یەپەكێ‌ كر و مە پاقژكر و ژ دەستێن تیرۆرستێن داعش مە رزگاركر.
ل دووماهیێ‌ فەریق عەبدولقهار دۆسكی گۆت: داخاز دكەم مللەتێ‌ كورد ئێكبگریت و هەتا بیرا من دهێت دەمێ‌ چووینە كوبانێ‌ من گوهداری یا گەلەك زانیێن عەرەب ل جیهانا عەرەبی كر دگۆتن ئەم هەمی عەرەب نەشییێن هێزەكێ‌ وەك پێشمەرگەی دروست بكەین قودس ئازاد بكەین و هاریكاریا فەلەستینیا بكەینن بەلێ‌ مەسعود بارزانی سنورێ‌ سێ‌ وەلاتان بری و هاریكاری پێشكێشی خەلكێ‌ خوە كرن و ئەو باژێر هەمی پاقژكرن، لەوما داخاز دكەم جارەكا دی ئەم كورد دەستێن ئێك دو بگرین و بخودێ‌ ئەگەر ئێكبگرین كەسەك نەشێتە مە.

کۆمێنتا تە