وەزارەتا ساخلەمیێ‌ رۆهنكرنەكێ‌ ل دۆر نشتەرگەریان ددەت

وەزارەتا ساخلەمیێ‌ رۆهنكرنەكێ‌ ل دۆر نشتەرگەریان ددەت

26

وەزارەتا ساخلەمیا حوكمەتا هەرێما كوردستانێ‌ ئاشكرا كریە كو هەژمارەكا پەیجێن سۆشیال میدیایێ بابەتەك بەلاڤكریە، كو وەزارەتا ساخلەمیێ ڕێگرە ل ئەنجامدانا هندەك نشتەرگەریەكان بێ كو بڕیارێ بخوینن یان بۆچوونا فەرمی یا وەزارەتێ وەربگرن.
وەزارەتا ساخلەمیێ‌ راگەهاندیە: هەمی ئەوان تۆمەت و پڕوپاگەندا ڕەت دكەین و ڕادگەهینین، كو ڕاگرتنا نشتەرگەریان دوورە ژ ڕاستیێ و ب تنێ تێكدانا ڕاستیانە بۆ مەرەمێن چەند بەرژەوەندخوازان، ڕاستی ئەوە ب مەرەما ڕێگریكرنێ بوویە ژ دیاردەیەكا نەیاسایی، كو ل هندەك نەخۆشخانەیان و هەوارهاتنێ سەرپێچی دكر، ژ لایێ هندەك كەسان ڤە، ك نەخۆش نەچار دكرن بۆ كڕینا پێدڤیێن نشتەرگەریان و دیاردەیا كڕین و فڕۆتنێ ل ناڤ نەخۆشخانێن حكومی ل گەل وەلاتیان بكەن بێ هیچ ڕێكارەك و رازیبوونا فەرمی.
وەزارەتا ساخلەمیێ بڕیارا قەدەغەكرنا ئەوان سەرپێچیان دایە و ڕێكێ دگریت ل بەرژەوەندیا كڕین و فڕۆتنا پێدڤیان ب نەیاسایی، كو بهێنە د ناڤ نەخۆشخانەیێن حكومی دا و بفڕۆشنە وەلاتیان.
حكومەتا هەرێما كوردستانێ بودجەیا تایبەت یا مەهانە تەرخانكریە و وەزارەتا ساخلەمیێ دۆپاتیێ‌ ل دابینكرنا پێدڤیان ل سەر ئەركێ حوكمەتێ‌ دكەت، دیسا د هەمان دەم دا دۆپالت دكەین ل سەر ئەنجامدانا هەمی نشتەرگەریان ل كەرتێ گشتی و نەخۆشخانەیێن حكومی، دیاردەیا نەچاركرنا نەخۆشی و هنارتنا وی بۆ نەخۆشخانەیێن ئەهلی قەدەغەیە و سەرپێچیكار دێ ڕووبڕووی یاسایێ بن و تێدا هاتیە: «مە د وێ‌ بڕیارێ‌ دا بەحسێ قەدەغەكرنا هیچ نشتەرگەریەكێ نەكریە، بەلكو ئەو بڕیار ل دژی بەرژەوەندیا وان كەسانە یێن سەرپێچیێ دكەن ب وەرگرتنا پارەیان ژ وەلاتیان و ل سۆشیاڵ میدیایێ بزاڤان دكەن بابەتی بۆ مەرەمێن خوە بكاربینن».

کۆمێنتا تە