٧٥٠ كەس ژ كەمپا هۆڵێ بۆ كەمپا جەدعە ل نەینەوا دهێنە ڤەگوهاستن

٧٥٠ كەس ژ كەمپا هۆڵێ بۆ كەمپا جەدعە ل نەینەوا دهێنە ڤەگوهاستن

12

دووڤچوون:

جێگرێ پارێزگارێ نەینەوا راگەهاند، حكومەت هاریكاریا وان خێزانان دكەت یێن ژ كەمپان ڤەدگەرن و گۆت: 12 هزار مامەڵەیێن خەلكێ شنگالێ بۆ قەرەبووكرنێ د بەرهەڤن، ل دووڤ بریارا حوكمەتا ئیراقێ‌ نوكە چار ملیۆن دینار وەكو هاریكاری دهێنە دان بۆ هەر ئاوارەكێ كۆ ژ كەمپان بزڤریتە سەر جهێن ئاكنجیبوزنا خۆ.

عومەر عەلی، جێگرێ پارێزگارێ نەینەوا بۆ ئەڤرۆ راگەهاند، نوكە بڕیار هاتیە كۆ هژمارەكا خێزانێن ئاوارە ژ كەمپا هۆڵێ ڤەگەرنە كەمپا جەدعە ل نەینەوا و پشتی دەمەكێ دهێنە تێكهەلكرن دناڤ جڤاكیدا و بڕیار وەسا هاتیە دان كۆ هەتا 1/7/2024ێ كەمپێن ئاواران نەمینن ل هەرێما كوردستانێ و كەمپ بهێنە دائێخستن و دێ هاریكاریا وان ئاواران هێتە كرن یێن كۆ ڤەدگەرن بۆ سەر جهـ و مالێن خۆ، هەر ئاوارەك دێ گوژمێ چار ملیۆن دیناران دگەل پێتڤیێن ناڤمالێ وەرگریت.
گۆت ژی، دهێتە چاڤەرێ كرن كۆ هەتا دوو هزار و 500 خانیان ژی بۆ وان خێزانێن كۆ خانی نینە بهێتە ئاڤا كرن. خویا كر، لژنەك هاتیە پێكئینان ل ئیراقێ‌ بۆ زڤرینا ئاواران چاڤەرێ دكەن كۆ ئەڤ سالە ئاوارە ل ئیراقێ‌ نەمینن و هەمی بزڤرنە سەر جهێن ئاكنجیبوونا خۆ.
عەلی عەباس، پەیڤدارێ وەزارەتا كۆچ و كۆچبەرێن ئیراقێ‌ دیار كر، 192 خێزانێن ئیراقێ‌ كۆ ژ 750 كەسان پێكدهێن، ل كەمپا هۆڵێ بهێنە ڤەگەراندن بۆ ئیراقێ‌ و بڕیارە د ڤێ حەفتیێدا بیت.”
ئاشكرا كر، كو لژنەكا ئەمنی هەیە تەدقیقی ناڤاندا دكەت ئەو كەسێن كۆ ل كەمپا هۆڵێ ڤەدگەرن بۆ دەمەكێ دێ مینن ل كەمپا جەدعە ل پارێزگەها نەینەوا بۆ هندێ كۆ بهێنە ئامادە كرن و تێكهەلی جڤاكی بن و پاشی دێ بۆ جهێن وان هێنە ڤەگەراندن.

کۆمێنتا تە