پارتی داخوازا ئاڤاكرنا یەكەیێن ئاكنجیبوونێ بۆ خێزانێن شەهیدان كریە

پارتی داخوازا ئاڤاكرنا یەكەیێن ئاكنجیبوونێ بۆ خێزانێن شەهیدان كریە

28

هەولێر، قائید میرۆ:

پەرلەمانتارەكێ پارتی ل پەرلەمانێ ئیراقێ ئاشكرا كر، خێزانێن پێشمەرگەیێن شەهید ژ یەكەیێن ئاكنجیبوونێ هاتینە بێ بەهركرن و دبێژیت: مە داخواز ژ وەزارەتا بەڕەڤانیا ئیراقێ كریە پێگیریێ ب دستووری بكەت و جوداهی د ناڤبەرا خێزانێن شەهیدان دا نەهێتە كرن.
مەریوان دزەیی، ئەندامێ لیژنا ئاسایش و بەڕەڤانیێ ل پەرلەمانێ ئیراقێ بۆ رۆژناما ئەڤرۆ دیار كر، وان داخواز ژ وەزارەتا بەڕەڤانیا ئیراقێ كریە، ل گورەی ماددەیێن دستووری پێگیریێ ب ئاڤاكرنا یەكەیێن ئاكنجیبوونێ بكەت بۆ كەسوكارێن شەهیدان و گۆت: «مە دڤێت مینا پارێزگەهێن دی یێن ئیراقێ خێزانێن شەهیدان ل هەرێما كوردستانێ ژی ژ ماف و ئیمتیازاتێن بۆ كەسوكارێن شەهیدان هاتینە دیاركرن مفادار بن ل گورەی قانوون و دستوورێ ئیراقێ».
مەریوان دزەیی گۆتژی: «ل كەركووكێ 500 یەكەیێن ئاكنجیبوونێ بۆ خێزانێن شەهیدان هاتینە ئاڤاكرن، بەلێ ب تنێ ئێك شەهیدێ پێشمەرگە ژی مفادار نەبوویە، ئەڤە د دەمەكی دایە ب سەدان پێشمەرگەیێن قەهرەمان ل كەركووكێ شەهیدبووینە، مە داخواز كریە رێ و جهێن پێدڤی بگرنە بەر بۆ مفاداربوونا خێزانێن شەهیدان ل هەرێما كوردستانێ و ئەنجام ژی بۆ مە بهێنە رۆهنكرن».

کۆمێنتا تە