پارێزگارێ دهۆكێ ل شێخان سەرەدانا هەژمارەكا پێشمەرگەیێن دێرین كر
د. عەلی تەتەر، پارێزگارێ دهۆكێ ب هەڤالینیا بەرپرسێ لقێ 20ێ پارتی و دەڤەردارێ شێخان دوهی 20/2/2024 ل سەنتەرێ دەڤەرداریێ سەرەدانا مالێن هەردو پێشمەرگێن دێرین (جەعفەر بێبادی و سەعید بالەتەی) كر و ژ نێزیك ئاگەهداریا رەوشا ساخلەمیا وان و كەسوكاران بوو.
هەروەسا د بەردەوامیا سەرەدانا خوە دا پارێزگارێ دهۆكێ سەرەدانا مالباتا خودێ ژێرازی (مەلا خەلیلێ مشەختی) نڤیسەر و هۆزانڤانێ ناڤدارێ كورد كر و د هەڤدیتنەكێ دا ل گەل كوڕێ رەحمەتی (نەوزاد مەلا خەلیل مشەختی) باس ل بەرهەمێن نەچاپكری یێن ناڤبری كرن و بەرهەڤیا كارگێریا پارێزگەها دهۆكێ بۆ چاپكرنا وان پەرتووكان دیاركر.
