پالپشتی هەبیت پێدڤی جل و بەرگێن هاوەردە نابین
، شاهۆ فەرید:
ژینهات كچەكا خەلكا دهۆكێ یە، د ژیەكێ بچووك دا ل بەر دەستی دەیكا خوە فێری دورینا جلو بەرگان بوویە، چەندین ستایلێن رۆژئاڤایی تایبەت چێكرینە و گۆت: گەلەك كەس دبێژن ڤی كاری پێدڤی ب باوەرنامێ هەیە، لێ ئەز دبێژم هەر كەسەكی بەهرا وی دگەل وی ژ دایك دبیت.
ژینهات د دیدارەكێ دا بۆ رۆژناما ئەڤرۆ گۆت: ل دەستپێكێ دەمێ من ڤیایی ڤی كاری بكەم و د سوشیالێ دا ب رێیا ڤیدیویا بەلاڤ بكەم، هەڤال و دەوروبەرا رێگری ل من كرن، ل دووڤ دا بێ كەس بزانیت هەرا بەردەوام بووم د چێكرنا مۆدێلێن نوو یێن جل بەرگان بۆ خوە ب تنێ، چونكو بالە پوشم و بلنداهیا بەژنا من گەلەك جاران جلك قەبارێ من دڤیا بازاری ب دەست من نەدكەفتن، ئەڤە ژی ئەگەرێ سەرەكی بۆ ڤی كاری بكەم، گەلەك رەنگێ ( رەش، حەلیبی، رساسی) بكاردئینم.
زێدەتر ناڤهاتێ گۆت: داخازیێن تایبەت گەلەك هەبوون، خواندنا خوە من دانا پێشیا كارێ خوە من بۆ دەمەكێ پاشئێخستیە، من بریاردایە ناڤێ براندێ خوە بكەمە (ژیی)، نێزیكی ناڤێ من، هەكە پالپشتی هەبیت پێدڤیا مە جل و بەرگێن هاوەردەكری نابیت، پتر دێ ناڤخوەیی بیت و كوالێتێن باش، ب تنێ ب دارایی هاریكاریا گەنجی هەبیت و بەردەوامی بیت دێ كێشەیا بێ كاریێ ژی كێم بیت، ڤی كاری ژی گەلەك دبێژن پێدڤی باوەرنامێ هەیە، دبێژم هەر كەسەكێ بەهرا وی دگەل وی ژ دایك دبیت.
