پتریا نەخۆشێن شەقیقێ نەخۆشیا خوە ژ روناهی و دەنگێن زێدە دبینن
د. حەسەن عەلی تاهر سلێڤانەیی، تایبەتمەندێ نەخۆشیێن مێشك و كوما دەمارا دیاركر شەقیقە ئێك ژ جورێن سەر ئێشێ یە، و هەتا نوكە ئەگەرێن وێ نەهاتینە دیاركرن، بەهرا پتر لایەكێ سەری دگریت و ژ كەسەكی بوو ئێكی جودایە و ئێشانا وێ زێدەتر ژ چار دەمژمێرا دمینیت، عێلنجی و هلاڤێتن دگەل دا هەنە، روناهی و قەرەبالغ و پرچا تەر دبیتە عێجزی بۆ نەخۆشی، و گۆت: شەقیقە گەلەك جور هەنە و ل دەف زارۆكا هەست ب زكئێشانێ دكەن، ل دەف ژنان ل دو رۆژا بەری دەورا هەیڤانە و دو رۆژا پشتی وێ پەیدادبیت و دچیت، هەیە بەس سەرێ وان دزڤریت و هەنە چاڤێن وان دئێشن و تاری دبن، و گوتژی: یا بەربەلاڤ ئەوە لایەكێ سەرێ وان دئێشیت و هەتا نوكە چ ئەگەرێن دیارنینن، بەس بەهرا پتر بو بوماوەیێ دزڤریت (ویراس) ل هندەك خێزانا ئەندامێن وان د شەقیقە پتر ل دەف پەیدابیت، و رەنگە بو جیناتا بزڤریت.
د.حسن علی تاهر سلێڤانەیی دیاركر ژی شەقیقە ژ وان نەخۆشیانە، نە ب رێیا پشكنینێن خۆینێ نە تیشكێ دیارنابیت، ژبەر هندێ نەخۆشیەك غەریبە، نەخۆش هەنە گەلەك پارە مەزاختینە د پشكنینا دا و چ ل دەف دیارنەبوویە، وگۆت: د پشكنینا دا دیارنابیت، بەس دەستنیشانكرنا وێ ژلایێ نۆشدارێ مێشك و دەماران ڤە دهێتە كرن، پشتی دان و ستاندنێ دگەل نەخۆشی دكەت، ل دووف هندەك خالا ئەگەر ل سەر نەخۆشی دیاربوون دبیتە شقیقە، ژ وان ئەگەر لایەك بیت، ئەگەر ئێشان ب ژەنت وەك لێدانێن دلی، ئەگەر ئێشانن ببیتە ئەگەر نەشێت كارێن خوە بكەت و عێلنجی و هلاڤێت هەبیت، و گوتژی: ئەگەر دو خال ژ ڤان هەبن، دبێژینێ ژانەسەر تە یا هەیی، شەقیقە ژ نەخۆشیێن دەم درێژە، ئەگەر پەیدابوو، بەهرا پتر دمینت گەل وی كەس، دو جورێن چارەسەریێ بو شەقیقێ هەنە، دەمێ دەسپێكێ دهێتە كەسەكی، و چارەسەریەك كێم بكەت بو پاشەرۆژێ، هندەك نەخۆش هەنە نامینتە ل دەف ئەوژی گرێدایی، گوهورنێن ژیانێ نە، ژ وان نڤستن كارتێكرنێ ل شەقیقێ دكەت، و درەنگنڤست وە دكەت شەقیقا وی نەچیت، هەروەسا زێدە برسی بوون و زێدە خارن نەیا باشە، دڤێت بەردەوام هندەك خارن د مەعیدێ وی دا هەبیت، نە گەلەك برسی نە گەلەك تێربیت، وەرزش كرن و روناهیا زێدە و قەرەبالغ و ب شەڤ دەركەفتن و زێدە بكارئینانا موبایلێ وەدكەن شەقیقە نەچیت، ئەو كەسێن ڤان رێنما و ژیانا خو بگوهوریت گەلەك مفایی دبینن، ئەگەر ب ئێكجاری نەچیت ژی رەنگە گیرۆكەت ل شونا هەیڤێ جارەك یان دو جارا ببیتە شەش هەیڤا جارەكێ، د حالەتێن گەلەك تەنگاڤ دا ئەم ئارامكەرا ددەنە نەخۆشا، و حالەتێ دوم درێژ دا نینە ب ئێكجاری بنبربیت رەنگە كێم كەسا ل دەف نەمینت.
تایبەتمەندێ نەخۆشیێن مێشك و كوما دەمارا گوت: شەقیقە ل هەمی ژیادا هەیە بەس بەهرا پتر گەنجا پشتی ژیێ بلغبونێ هەتا 30 سالیێ هەیە، چونكو زارۆك باش نزانیت، و بەهرا پتر ل دەف ژنا هەیە، وگوتژی: جوداهیا شەقیقێ ژ سەر ئێشانا نورمال ئەوە دەمێ وێ گەلەكە، رەنگە چار دەمژمێرا تا سێ رۆژا بمینیت، ئەگەر چارەسەریا وەربگریت، ژان ژی هەنە، و بێزار بون هەیە و ئەو كەس خو ڤەدەردكەن، لێ سەرئێشانا نورمال، رەنگە ژ واستیانەكێ پەیدابیت ئارامكەرەكێ بخوت بچیت نەمینت.
ل دوماهیێ د.حسن علی تاهر سلێڤانەیی، تایبەتمەندێ نەخۆشیێن مێشك و كوما دەمارا دیاركر یا گرنك ئەوە نەخۆش ژبلی چارەسەریێ ژیانا خو بگوهوریت، زویی نڤستن ل 9 ی شەف تا 11 ێ بنڤیت، دناڤبەرا دانێن خارنێ دا، ئەگەر هەست ب برسی بونێ كر تشتەك سڤك بخوت، و نەیێ تێر نەیێ برسی بیت، گەلەك وەجبا بخوت و دكێم بن، دەمێ سەرێ خو دشوون ب تایبەت ژن پرچا خو زی زها بكەت، و گوت: دەركەفتنێن ب شەف نەبن و هندی بشێن روناهیا نەبینن، دێ كێمتر لێ هێت شەقیقا وان، وەرزشكرن هەبیت و هەر نەخۆشەك ب تشتەكی تێك دچیت، نەخۆش هەیەی دبێژیت ئەز ب كافایینێ تێك دچم، وەك نیسكاف و قەهوا و چایە و پێپسی یە، نەخۆش هەیە ب موزێ یان ب سێڤێ، هەر ئێك ب تشتەكی تێك دچیت تڤیا خو ژێ دیربكەت، و سەرەدانا نۆشدارێ خو بكەت چارەسەریێن وەردگریت ددەمێ وان دا بخۆت، وگوتژی: یا گرنگ چارەسەریا خو نەهێلیت دەمێ باش دبیت یێ بەردەوامبیت ل سەر خارنا چارەسەریێن خۆ، چونكو چارەسەریا وەخت پێدڤێت رەنگە چەندین هەیڤ بڤێن رەنگە ب سالا بیت، ئەو كەسێن شەقیقە هەیی بەهرا پتر نەخۆشیا خو ژ روناهی و دەنگێن زێدە دبینت.
