پشتی نسكۆیا 1975ێ‌ رژێما ئیراقێ‌ هزر دكر ئێدی چ شۆڕەشێن كوردی ساخ...

پشتی نسكۆیا 1975ێ‌ رژێما ئیراقێ‌ هزر دكر ئێدی چ شۆڕەشێن كوردی ساخ نابن

7

ديدار، سالار محةمةد دؤسكى:

2-5

ئەو ژی گۆت: چوونا ژنان بۆ ناف كەلها ئالوكان بۆ دەسپێكا هەیڤێن (9 و 10) ل سالا 1980 ڤە دگەریت و بەردەوام بوو هەتا هەوە ئەنفالێن رەش ل سالا 1988ێ‌ و خەلك دگرت و تینا وێرێ‌.
هێشتا گۆت: ل گەل چوونا ناف كەلهێ‌ دەرگەهەكێ‌ ئاسنی هەبوو و ب رێكا وی دەرگەهی دا چیە ناف وێ‌ كەلهێ‌، ژوورەكا بچویك هەبوو یا زێرەڤانان بوو و پشت وێ‌ دەرگەهەكێ‌ ئاسنیێ‌ ب سەنگ و قاهیم بوو و دەرگەهێن ژوورێن كەلهێ‌ هەمی دڤەكری بوون چونكە جه نەبوو و خێزان تێدا بوو و گەلەك بوو و پتر ژ 500 كەسان زێدەتر بوو و هەمی ژوور تژی بوون و جهێ‌ خودرێژكرنێ‌ و بهێنڤەدانێ‌ نەبوو وبتنێ‌ و بتنی جهێ دەستەسەركرنێ‌ زێدە هەبوو و كەلهە ژ نێزیكی (10) ژوورا پێك دهات و دناڤا كەلهێ‌ دا حەوشەك هەبوو و زڤستان و هاڤینا خەلك دناڤا حەوشێ‌ ژی دا دنفست و نەچاری بوو چونكە جه نەبوو و هەر ماوە ماوە هندەك خێزان دا بۆ باشورێ‌ ئیراقێ‌ هێنە ڤەگوهاستن ژ ئەوان خێزانان (نیهاد بێدهی) حوكمەتێ‌ ئەڤە دكر چونكە جه نەبوو و هندەك خێزانێن مەزن برن دا جهێ‌ هندەكێن دی بكەت و ئەگەر خێزانەكا مەزن ڤەگوهاست با دا دو سێ‌ خێزانێن بچوویك كەت، قوتان نەبوو زیندان بۆ ژنێ‌ ئەشكەنجەدان بوو، ئەگەر زەلام شیانێن خوە كونترۆلكرنا دارەكی یان شەقەكێ‌ یان ئاخفتنەكێ‌ یان هەر دربەكێ‌ دوژمنی دا كەتن بەلێ‌ وەرە بۆ وێ‌ ژنێ‌ بێژە یا زەلام یان كورێ‌ وێ پێشمەرگە بیت و ئەو پێشمەرگە هەلگرێ‌ كومەكا كول و كوڤانان بیت و دناڤا شورەشێ‌ دابیت و ئاگەه ژ خێزان یان دایك و بابێن خوە نەبیت، رەنگە گەلەك خێزان هەمی پێكڤە نەهاتبوونە دەستەسەكرن، زەلام دناڤا شورەشێ‌، دایك و هندەك زارۆك ل زیندانێ‌، كچەك و چەند زارۆكێن دی رەنگە ل مالا مامێ‌ بن و بهێنە خودانكرن و خاندنا ئەوان زارۆكان ژێ‌ بچیت و هەمان دەم وەرە تەماشەی ئەڤێ‌ ژنكا خوراگر بكە هزرا زەلامی یان كوری بكەت كو بوویە پێشمەرگە یان هزرا زەلامێ‌ خوە بكەت ل ئەمنێ‌ دایە و كا رەوشا وی یا چەوا ساخە یان كوشتیە، ئەڤ زارۆكێن ماینە ل كولانێن خەلكی برسینە چ خون كی خودان دكەت و كاودانێن وان چەوانە و هەمان دەم ئەو ژن ل زیندانێ‌ دابیت نە نفستن بیت و نە خوارن خارن بیت و كاودانێن ژیانێ‌ نەباش بن دبینم ئەڤە گەلەك ژ ئەشكەنجەدانا جەستەیی خراب ترە.
ناڤبری ئەو ژی گۆت: تشتێ‌ بیرا من دهێت وی دەمی زارۆك ژی بووم لێ‌ بیرا منە و من كەیف پێ‌ هات هندەك ژنكێن سەرە رابوون خوە ب سەركێشیا ئەڤان ژنك و بچوویكا زانی وەك (سامیا بامەرنی) دەیكا شەهید(خسرو بامەرنی) وەك (گولا سپینداری)، (زولیخا، حەفسا، زلفێ‌) شیان وەك سەمیان سەرپەرشتیا ئەڤان مرۆڤان بكەت و خوە ل ئەڤان ژن و بچوویكا بكەنە خودان و راگریا ئەڤان مرۆڤا بكەن و ئەو نەهێلا پولیس بهێنە دناڤا ژنان دا و ئەوا خارن ژێ‌ وەردگرت و دا ژن و زارۆكان و هەتا ئەوێن خوارنی دروست دكەن ئەوا نەهێلا بەلاڤ بكەن بتنێ‌ دا قازانا دانە ژوور و ئەوا ژنا بەلاڤا دكەت و ئەڤان ژنان نامیس و شەرەفا هەمی ژنان پاراست و گەلەك جاران ئەڤان زارۆكان بیریا مەت و خالەت و پسمامێ‌ خوە دكرن ئەڤان ژنان دگۆتە مە ئەز مەتا وە مە یان خالەت دا زارۆك هەست ب وێ‌ چەندێ‌ نەكەت كو كەسەكێ‌ وی ل ڤێرە دا نینە و گەلەك جاران من دگۆتە (سامیا)یێ‌ مەتێ‌ و هەتا دەركەتی ژی من بناڤێ‌ مەتێ‌ گازی دكر و گەلەك جاران ئەڤ ژنكە رابوون ب دەواتەكێ‌ دا ژنك خوە ژبیر ڤەكەن و دا ژوورەكێ‌ چنە ژوورەكا دی و سەرهاتی و كەنیێ‌ بەردەنە دناڤا ژن و بچیكا دا و سترانان بێژن، ل سالا 2019 من هزر كر تشتەكی بكەم كو بیرا ئەڤان ژنكان بینمە بیرا خوە و پەرتووكەكێ‌ ل سەر چێ‌ كەم و ئەگەر چ نەبیت ناف وێنێن وا بكەمە دپەرتووكێ‌ دا و جارا ئێكێ‌ ناڤی هندەكا مابوو ل بیرا من و من گۆتە دەیكا خوە و ئەوێ‌ گۆت ژنەك هەبوو دگۆتنێ‌ (گولا سپینداری) گەلەك یا كەیف خوش بوو و دەمێ‌ من سەرەدان بۆ كری وێ‌ سالێ‌ ژیێ‌ وێ‌ (80) سال بوو و من گۆتێ‌ بیرا تە ل من دهێت گۆت بەلێ‌ تو ئەو كەسی دەمێ‌ تە نامەك بۆ كورێ‌ من نڤێسی و من گۆتیە تە بێژە كورێ‌ من خوە رادەستی حوكمەتێ‌ نەكەن و بلا ئەم دناڤا زیندانێ‌ دا ب رزین و من گۆتێ‌ راستە ئەز ئەوم، هندەك بیراهاتنێن خوە گۆتن و گۆت من داپیركیا (16) ژنكا دناڤا وێ‌ كەلهێ‌ دا كریە، پشتی من دیفچوون ل سەر كری (15) ژ وان بچوویكا من دیتن و دیسا نوكە ژی دژیانێ‌ دانە و ل گەل خێزانێن خوە ژیانێ‌ دەرباز دكەن و دێ‌ دیفچوونێن من دا ژنەكا بچوویك بووی دیاركر كو پشتی بورینا سێ‌ هەیڤان ژ بچوویك بوونێ‌ و ژ نەبوونا خوارنێ‌ و ڤەخوارنێ‌ و چاڤدان و ساخلەمی یەكا باش وی زارۆكی وەغەركر بوو و ئەو زارۆك بناڤێ‌ (مێهڤان) بوو و زێدەتر ناڤێن وان گرێدایی كاودانان بوو (مێهڤان، لەشكەر، هیڤی، بەیان، زیندان، بریندار، بێوار) هەمی زارۆكێن كەلها ئالوكا بووینە و هەر ئەڤان ژنێن دانعەمر ئەف زارۆكە نافكرن، دگۆتن دەمێ‌ زارۆكەكێ‌ كور دهاتە سەر دنیایێ‌ مە هەمیان دەوات دكر و پولیسان دگۆت ئەڤە هەوە خێرە ؟ مە دگۆتێ‌ پێشمەرگەك زێدە بوو،
زیندانكریێ‌ زیندانا ئالوكان ئەو ژی گۆت: تشتێ‌ هەرە سەرەنجا من راكێشای ڤێ‌ زیندانێ‌ خو راگری یا ئەڤان ژنان بوویە دناڤا ئەڤان كاودانێن سەخت و دژوار دا و تشتەكێ‌ گەلەك مەزن بوو و هیڤی یا من ئەو بوویە جارەكا دی ناڤێ‌ ئەڤان شێرە ژنان ساخ بكەم ڤە و گەلەك چوونە بەردلوڤانیا خودێ‌ و گەلەكا ئەف ئازادی یە نەدیت و نەگەهشتنێ‌ .
هەمان زیندانیێ‌ زیندانا ئالوكان، گۆتژی: هەلویستێ‌ ئەوان پولیسان گەلەكێ‌ باش بوو و ناهێنە ژبیركرن و تایبەت پولیسێن كورد و ئەو شیان دەنگێ‌ مەیێ‌ زیندانێ‌ بگەهینە دەرڤە و شیان پێدڤیێن مەیێن زیندانێ‌ بگەهینە ژوور ڤە و ئەوا زێرەڤانی لێ‌ ئێك و دو دكر من داخازا پێنوس و كاغەزا كر و ئەوا بوومە دابینكرن، ئەف پولیسە شیان دپەنجەرێ، بچوویك دا بوومە بەتەنیا دابین بكەن و گەلەك جاران خارن دابین دكەت وەك (تەحین) وی دەمی خارن گەلەك یا بێ‌ سەروبەر بوو و بیرا من دهێت نیڤرۆ ئافكو برنچ دانە مە و رۆژانە ئافكو برنچ بوو و دەمێ‌ خارنەك دبیتە رۆژانە بۆ مرۆڤی گەلەك یا نەخوشە و تایبەت وی دەمی ئەم بچوویك بووین و خارنا درست بۆ زیندانیان دهات و بیرا من دهێت رۆژەكێ‌ دایكا من گۆت دێ‌ خارنەكا دی دەمە هەوە و دایكا من ئەو ئافكو برنچ كرنە دناڤ دا و دانانە سەر (چولەكی) وەك (سوبەكا) گازێ‌ بوو و هەر چەند ژووران ئێك هەبوو و ئەو ژی هەر ب رێكا ئەوان پولیسان هاتبوونە دناڤا كەلهێ‌ دا و ئافكو برنج كرنە دناف ئێك دا و كەلاندن و دانە مە و گۆتن ئەڤە جورەكێ‌ دیێ‌ خوارنێ‌ بوو هەوە هات وەك شوربێ‌ بوو، سپێدەهی یا هێك و تەحین و نیسك با و ئەگەر جارەكێ‌ تشتەك بوومە ل دەرڤە هاتبا دا مرۆڤێن مە ئینە بن كاژا و دا ناڤا ل سەر ننڤیسن و دا زێرەڤانێن كەلێ‌ زێرەڤانیێ‌ ل ئێك دو گرن و ئینە بەر پەنجەركێ‌ و دا هێـە دناڤا كەلهێ‌ دا و ناڤ ل سەر بوو و بێ‌ گومان ئاریشە وی دەمی بۆ زێرەڤانان ژی دروست بوون بەلێ‌ ئەوێن كورد زێرەڤانی ل ئێك و دو دگرت، جارەكێ‌ زارۆك گەلەك پێدڤی ب لاندكەكێ‌ بوو و ئەوان ژنان گۆتە پولیسان مە پێدڤی ب لاندكەكێ‌ هەیە و زێرەڤانەكی شنی دەواتا خوە كربوو و زارۆك هەبوو و گۆتە خێزانا خوە زارۆكا خوە بدانە و دێ‌ ڤێ‌ لاندكێ‌ بۆ زیندانێ‌ بەم و ژنكا پێدڤی پێ‌ هەیە و ئەو لاندك ئینا و دانا پشت كاژا و هەتا چەند شەف دەربازبووین و دەلیڤە كەفتیێ‌ و زێرەڤانی دیسا ل ئێك دو گرت و هەتا ئەو لاندك كێشا سەرەی و ب كنفێ‌ بەردا خوارێ‌ و (گولا سپینداری) ژ ژنێن هەرە بەرچاف و چالاك و زیرەك بوو دناڤا زیندانێ‌ دا و ئەڤ چیرۆكە وێ‌ ڤەگێرا بوومن و هەمان دەم وی پولیسێ‌ ئەف كارە ژی كر هەمان چیرۆك دووبارە كر و مخابنی ڤە ل سالا 2019ێ‌ گولا سپینداری وەغەركر.

کۆمێنتا تە