پشتی ١٢ سالان ئەردۆغان دێ چیتە مسرێ

پشتی ١٢ سالان ئەردۆغان دێ چیتە مسرێ

5

پەیڤدارێ سەرۆک کۆماریا تورکیا راگەهاند، رەجەب تەیب ئەردۆغانێ سەرۆک کۆمارێ تورکیا دێ ئەڤرۆ سەرەدانا مسرێ کەت و ل گەل سەرۆک کۆمارێ وی وەلاتی عەبدولفەتاح سیسی کۆمبیت و دێ چەندین رێککەفتنێن نوو د ناڤبەرا هەر دو ئالیان دا هێنە ئیمزا کرن.
چاڤدێرێن سیاسی ژی دیار دکەن، تورکیا دڤێت پەیوەندیێن خوە ل گەل وەلاتێن عەرەبی ئاسایی بکەت، چەندین سالن پەیوەندیێن تورکیا و مسرێ د باش نینن و بەری نها بەرپرسێن مسرێ دیار کربوون ئەو رێ نادەن تورکیا دەستێوەردانێ د کاروبارێن ناڤخوەیی یێن وەلاتێ وان دا بکەت، سەرەدانا ئەردۆغانی دهێتە رامان دەستپێکرنا قۆناغەکا نوو د ناڤبەرا هەر دو وەلاتان دا.
بەری نها وەزارەتا دەرڤە یا تورکیا ژی دیار کربوو بەرهەڤی بۆ سەرەدانا ئەردۆغانی یا بۆ مسرێ هاتینە کرن و د سەرەدانا سەرۆک کۆمارێ تورکیا یا بۆ مسرێ دا دێ چەندین رێککەفتنێن سیاسی، ئابووری و سەربازی هێنە ئیمزا کرن.

کۆمێنتا تە