پشتی ١٦ سـالان ژ زکـچوونێ رزگـار بوو
د. یوسف عەبدوللا سالح، تایبەتمەندێ نەخۆشیێن هناڤا شیا چارەسەرکرنا کچەکا ١٦ سالی بکەت یاکو ژ عەمرێ ٧ هەیڤیێ وێڤە تووشی زکچوونەکا بەردەوام بووی.
کچەکا نەخۆش کۆ بەری سێ هەیڤا هاتبوو لایێ نۆشدارێ ناڤبری ب کۆمەکا نیشانێن نەخۆشیێ وەک زکچوون، وێنێ ماسکی ل سەر و چاڤا، پرسک، زەعیفی، و بێ تاقەتی. پشتی چەندین پشکنین و پشکنینێن خوینێ بۆ هاتینە کرن و پشتی ماندیبوونەکا زور شیان نەخوشیا وێ دەستنیشان بکەن، دیاربوو کچ تووشی ئێشا گەنمی ئانکو سیلیاک بوویە.
د.یوسف عەبدولڵا، دیارکر، ئەڤ حالەتە نموونەییەکە ژ گرنگی یا دەستنیشانکرنا دروست، گەلەک جارا ئێشا گەنمی ناهێتە دەستنیشانکرن، ژبەرکو نیشانێن وێ دشێن وەک نەخۆشیێن دی بێنە دیتن و گۆت: رێیا چارەسەریێ یا سەرەکی ئەوە کو نەخۆش پارێزگارییەکا بێ گلوتین بگریت و بکەت، گەنم و جەهی نەخۆت، ئەگەر نەخۆش پارێزێ نەکەت، دێ تووشی کێشەیێن گران بیت وەک کێمبوونا خوینێ، کێمبوونا ڤیتامینا و کالسیومێ، هەتا مەترسیا پەنجەشێرا رووڤیکان ژی بیت.
د. یوسفی ل دووماهیێ گۆت، ئەڤ سەرکەفتنە تیشکێ دئێخیتە سەر گرنگی یا لێکۆلینێن کویر و پشکنینێن گونجایی د دەستنیشانکرن و چارەسەرکرنا نەخۆشیێن دومدرێژ دا.
