پشتی چەندین جاران ئەم ژ گوندی هاتینە دوورخستن و دەركرن ل سالا 1965 خانیێ مە ل بەر چاڤێن مە سۆت
دیدار، سالار محەمەد دۆسكی:
2-2
دو پێشمەرگە ژی ل گەل بوون و پێشتر من پەیوەندی ل گەل نەبوو، و هەڤالێن من نیاسی و گۆتنێ تە خێرە وی گۆت قەسرا من ل گوندی ئاگرێ پێڤە و لەشكرێ حوكمەتا ئیراقێ هەمی سۆتن ئەز چاڤەرێی هاتنا لەشكرێ ئیراقێ مە، و ئەگەر هاتنە ڤێرێ دێ هاڤێژنێ و دا تولا قەسرا خوە ڤەكەم، قادر قاچاخ گۆت: حەجی وەك سەعید گاباری گوتی ملێ مە ب ملێ تەرا و دێ كەین هزار شەرا هەر ل وی جهی مە هزرا خوە كر، و نەخشێ خوە دانا بووینە چەند گرۆپەك و مەجهێن خوە گرتن، و دەمێ لەشكرێ ئیراقێ هاتین ژ پرێ دەربازبوون، و مە هاڤێتێ (16) لەشكر هاتنە كوشتن و هندەك ئاڤێ دا چوون، و پێشمەرگەك شەهید بوو و پێنچ بریندار كەفتن، و هەتا پشتی نیڤرۆ بەردەوام بوو و فرۆكە هاتن وی دەمی كارتێكرن ل گوهێن من هاتەكرن، و قومبلەك بەرەكی كەفت و دەنگێ وێ گەلەكێ مەزن بوو و كارتێكرن ل گوهێ من كر، و هەتا نوكە گوهێن من دگرانن، لەشكرێ ئیراقێ پاشكێشی كر و ئەم چووینە بارەگایێ لقێ ئێكێ و ئەوێن وێرێ حەزا چوونێ هەبوو، 6/9/1988 ئەم ل بارگایێ لقێ ئێك بوو و ئەم (30) كادر دبەرهەڤبووین جەنابێ سەرۆكی ب لاسلكیێ و داخاز ژ (حەمید خواستی) كر كو بەرپرسێ لەشكریێ لقێ ئێك بوو و چەند جاران داخاز ژێ كر كو بەرپرسایەتیی یا لقێ ئێك وەربگریت، وەك بەرپرسەكێ لەشكری وی سەردەمی و پێدڤی ب كەسەكێ لەشكری وی گۆت ناكەم، دیسا (صەدیق زاویتەی) دووڤدا گۆتە وی وژی گۆت ناكەم، و دووڤدا گۆتە (فەتاح گۆلی) حەز دكەم تو بەرپرسایەتیا لقێ وەربگری و (فەتاح گۆلی) گۆت من روحەكا هەی دێ وێ روحێ گوری تە و كوردستانێ كەم، و تشتێ تو بێژی دێ جێبەجێكەم بۆ بەرپەرسێ لقێ ئێك و (نێچیرڤان ئەحمەد و سمكو ئامێدی) نەچوون و بوونە كادرێن لەقێ ئێك یا خەباتكەر و ئەم بووینە نێزیكی (15) پێشمەرگەیان ل گەل ماین ژ ئەوان پێشمەرگان(ئەز، عەمەر ئورەی، بەهجەت ئاڤەدەل، جوهەر نەمر، محەمەد حەمدی، ئەحمەد كادر) و چەند پێشمەرگە ل گەل بووین و ئەز هەتا هەیڤا دوازدە مام و دووڤدا نەخوش بووم و ل گەل (جوهەر نەمر)چووین.
هەمان پێشمەرگە گۆت: 14/6/1983 رۆژەكا نەخوش بوو چونكە دشەرەكی دا و دئێك رۆژ دا مە (7) شەهید دان، و ئێك ژوانا (پسمامەكێ) مەبوو و ئێك ژی كورمەتەكێ من بوو و بەرپرسێ مەبوو و ئەز جێگرێ وی بوم شەهید بوو و گەلەك عاجزبووم بۆ پسمام خوە، چونكە 22/5/1982 ئانكو سالا پار برایێ وی شەهید ب بوو هەر ل گەل مە و بەری شەهید بوونا پسمامێ مە ب چەند رۆژان بابێ وی ل زاخۆ بوو و كاغەزەك هنارت بوو، و گۆت كورێ من شەهید بوو گوری ئاخا كوردستانێ بیت، و دێ خوشحال بم برایێ وی بینم و ئەگەر پشتی دیتنا من ئەو ژی شەهید بیت، بلا ئەو ژی گوری كوردستانێ بیت، و مە بەرنامەك دانا بۆ ئەنجامدانا وێ دیدارێ لێ مخابنی ڤە چێ نەبوو، و چەند سالان كارتێكرن ل سەر من هاتەكرن.
هەمان پێشمەرگە بەحسێ بیرهاتنەكا خوش ژی كر و گۆت: ل سالا 1977 ئەم حەفت مال ل گوندەكی دژیاین ل ئیرانێ و رۆژانە هندەك بەرپرسێن وی وەلاتی دهاتن بۆ خەلكی دئاخفتن و ئاخفتنێن نەجوان دەرحەقی خودێ ژێ رازی (مەلا مستەفا بارزانی) دگۆتن، ئیراقێ هوون ئازاكرینە و هوون دێ مرن ژ برسا چونكی خەلكێ مە هەمی بێ كارە و بۆچی هوون نازڤرنە ئیراقێ و مە ژی گۆت ئەم نازڤرین و خێزانا مە هەمی نەخوش بوو، و قەدەغە بۆ بچینە نوژداری ل ناحیێ و گوندەك رەخ مە ڤە بوو و دكانەك هەبوو و هندەك حەبێن مسكەن هەبوو مە ئەو حەبكێن مسكەن كرین، و جارەكێ بابێ من گەلەك نەخوش بوو و هاتن و گۆت ڤێ هەمی كومبوون و و گۆت دڤێت بابێ هەوە بهێت و بكەنە ناڤ بەتنیێ ڕا و ملكێت بابێ خوە من گرتن، بابێ من ئاخفتنێن كرێت گۆتنە ئەوان تیما ئیرانێ و بابێ من گۆت وەرگێرە و ئەوێ تیمێ گۆت بێژێ بۆچی، بابێ من گۆت (14) سالان مە شەرێ حوكمەتا ئیراقێ كر و ئەم شكەستین و هەوە دەرێ مالا خوە بوومە ڤەكر، و ئەم هاتینە سەر بەختێ هەوە، ئەگەر دێ مە خودان كەن بلا وەك مرۆڤا مە خودان كەن، و ئەگەر نە بلا رێكێ بدەنە مە ئەردێ خودێ بەرفرەه و ئەگەر ئەو هزر دكەن دێ چینە بەر دەستێ دوژمنی دێ مرم و ئەم ناچین، و هەر ئێكسەر ئەو تیم چوون و رۆژا دووڤ نەهاتن و رۆژا پاشتر ب ترۆمبێلەكا لوری ئەم هەر (7) خێزان برینە ئوردیگایێ (جەهورن)، گۆت دێ خولان بۆ هەوە ڤەكەین و هوون دێ چنە سەر كاران، خوشترین دیمەنێ من دیتی دەمێ هەمی كورد بەر سیمەی راوستاینە و چاڤەرێی مرۆڤێن خوە، و هندی هند ئەم خەریب بووین مە هەمیا پێكڤە كرە گری و دیسا سەرهلدانێ و ریفراندومێ ژی گەلەك دخوش بوون.
ل دووماهیێ هەمان پێشمەرگە گۆت: بلا گەنجێن مە هزرا خوە بكەن ئەڤان ب سەرێ ڤی مللەتی هاتی و گەلەك ماندیبوون دیتی یە و چ نەمایە دوژمنێ مە ب سەرێ نەنە ئینایە و گەهشتینە قوناغەكا باش بلا دەستا ژێ بەرنەدەن و ڤێ قوناغێ دەرباز بكەن و گەلەك كێریتە كورد(80) ملیون بن و هەتا نوكە نەبووینە دەولەت و دڤێت ئەم ژیانێ ل خوە حەرام بكەین.
