پڕۆژەیەكێ ئاڤێ ل گوندێ گوهەرزێ هاتە بۆردومانكرن و ژناڤبرن

پڕۆژەیەكێ ئاڤێ ل گوندێ گوهەرزێ هاتە بۆردومانكرن و ژناڤبرن

2

ئامێدیێ، مەحمود نهێلی:

پڕۆژەیێ كەڤنێ ئاڤێ یێ گوندێ گوهەرز ل دەڤەرا نهێلێ یا سەر ب سنوورێ ناوچەداریا دێرەلۆكێ‌ ڤە ژ لایێ فڕۆكەیێن سۆپایێ توركیا ڤە هاتە بوردۆمانكرن و ژناڤبرن.
ئەحمەد گوهەرزی، هەلبژێرێ گوندێ ناڤهاتی بۆ رۆژناما ئەڤرۆ دیار كر، ئەڤ پڕۆژەیە بەری نوكە ب مەرەما دابیكرنا ئاڤا ڤەخوارنێ بۆ گوندێ گوهەرز و بلاڤە هاتبوو چێكرن و گۆت: «پشتی پڕۆژەیێ ستراتیژیێ ئاڤا ئامێدیێ كەفتیە كاری، كار ب ڤی پڕۆژەیێ كەڤن نەدهاتە كرن بۆ ئاڤا ڤەخوارنێ، ب تنێ بۆ مەرەما ئاڤدانا تەرش و كەوالی مفا ژێ دهاتە وەرگرتن، ژ بەر كو ئاڤا ڤەخوارنێ ل پڕۆژەیێ ستراتیژی بۆ گوندی دهاتە دابینكرن».
ناڤهاتی دیار كر، ئەڤ پڕۆژەیە ژ بیرەكا ئیرتیوازی یا ئاڤێ و ماتۆرەك و بۆڕیێن ئاڤێ پێك دهات، بەری دو رۆژان كەفتیە بەر هێرشا فڕۆكەیێن توركیا و ب ئێكجاری هاتیە ژناڤبرن و ئێدی ئەو نەشێن مفای ژێ وەربگرن و گۆت: «هەر د ڤان بوردۆمانان دا پارچەكا جۆیا ئاڤدانا چەمێ مە ژی هاتیە ژناڤبرن و هەكە نەهێتە چێكرن، ئەم نەشێین مفای ژێ وەربگرین و بێستانێن خوە ئاڤ بدەین».

کۆمێنتا تە