پێدڤیە ژنا مەدیاكار خودان ئیرادەیەكا ب هێز بیت
دلڤین رەشید:
رۆژنامەڤان (سەحەرموقەدم) د دیدارەكێ دا بۆ رۆژناما ئەڤرۆ دیار كر كو ئەو خەلكا وەلاتێ لوبنانە، دەرچۆیا پشكا رۆژنامەڤانی یە ل زانكۆیا ئەمریكی ل وی وەلاتی، نیزیكی حەفت سالانە ل باژێرێ هەولێرێ دژیت، بۆ ماوی پتر ژ دە ه سالانە د بۆرارێ راگەهاندنا نڤێسینی دا وەك سەربەخوە كار كریە، نوكە ژی پوتكاستەرە و رێڤەبەرا پرۆژی دەنگێ ژنان بێ سنۆرە، دگەل رێكخراوا ئاژ یا فرەنسی كو رێكخراوەكە ژبۆ پێگەهاندنا ژنێن رۆژنامەڤان ل عیراقێ و تونس.
ناڤهاتیێ گۆت: ب راستی ئەز رۆلێ خۆ پتر د بۆارێ راگەهاندنا نڤیسینێ دا دبینم، چنكو هەر ژ دەستپێكا خۆ ب ڤێ رێكی من شیا یە خزمەتا خوەندەڤانان بكەم، راستە راگەهاندن ب شێوازەكی گشتی بۆ ژنێ زەحمەتیا خۆ هەیە، بەلێ حەز و ڤیانا مرۆڤی بۆ ڤی كاری وە دكەت ئەم وەك ژن ئاستەنگیان بشكێنن و بەردەوام بن د كارێ راگەهاندنێ دا سەرەرایی هە نەخۆشیەكی دژیانێ دا، ئەڤ چەندە ژی دبیتە ئەگەر كو ژنا میدیاكار ببیتە خۆدان ئیرادەكا ب هێز و باوەریەكا مەزن ب شیان و كارێ خۆ هەبیت و دژیانێ دا گەلەك زەحمەتی هەنە ژبۆ ژنێ، نەخاسمە بۆارێ راگەهاندنێ، بەلێ حەز وڤیانا مرۆڤان بۆ هەر كارەكی وان زەحمەتیان دەرباز دكەت، ئەگەر چەندە یا ب ئیش بیت، لەورا داخوازی ژ جهێن پەیوەندی دار دكەم پشتەڤان و هاریكار بن دگەل هەموو رۆژنامەڤانان ب تایبەت ژی ژنا میدیا كار، داكو یەكسانیا جیندەری دناڤ سازین راگەهاندنێ دا بەرجەستە ببن.
