پێشمەرگاتیا وی سەر دەمی نەوەك یا نوكە بوو و گەلەك یا بزەحمەت بوو
دیدار، سالار محەمەد دۆسكی:
2-2
(ئدریس بارزانی) گۆت تە وەرگرت من گۆتێ بەلێ مادێ چلێ كەم هەمی پارێ (50) یە و مووچێ پێشمەرگەی هەمی (10-11-12-13) ئەڤە هەمی پارێ گرە، خودێ ژێ رازی گۆت دو پێشمەرگە ل گەل خوە ب بە و هەرە ئیرانێ بخوە هوور بكە و چووم من (حەجی رەجب و هەمزە زڤنگی) ل گەل خوە برن و ئەم چووین ب مەرەما هووركرنا وی پارێ گر چووینە (رزایی، مهاباد، سەردەشتێ) هەمی چنە بوو، ب (مهاباد) ئێكی گۆتە من وەرە ڤی پارەی بدەمە دێ پارێ ئیراقی دەینە تە و هەر دینارێ دو دەرهەمان دێ زێدەتر دەینە تە و هەر دیناەركا ئیرانی ب دینارەك و دو دەرهەمێن ئیراقێ دەینە تە و هەر دو هەڤالێن مە مانە ب من ڤە من گۆتێ نە ناگوهورم و دووڤ دا زڤریمە (رزایێ) هەر بانكەكا وێ بوومە (20) هزارێن ئیرانی كرنە پارێ هووردە و ئەو پارە ل سەر مە هەرسێ بەتلیونێن هەلگوردی هاتبوو بەلاڤەكرن و هەر بەتلیونەكێ لگورەی رێژا پێشمەرگێن خوە مووچە وەرگرت بوو.
هەمان پێشمەرگەی گۆت: ل دەسپێكێ ل گەل (عەریف سلێمان) نڤیسەر بووم و دووڤ دا دەمێ بووینە بەتلیونا هێزا هەلەگورد ژ من خواست ببمە ئەفسەرێ ئاسایشێ دناڤا بەتەلیونێ دا لێ من رەدكر و گەلەك ماب من ڤە و من گۆتێ من پێ نەخوشە ئافسەرێ ئاسایشێ وەربگرم، ل سالا 1970 ێ بوومە رێكخەرێ بەتلیونێ تایبەت ل گەل (ئدریس بارزانی) و تایبەت وەرگرتنا (مووچەی، ئەرزاقی، چەكی) و هەیڤێ جارەكێ یان دو جاران دڤێت من سەرەدانا خودێ ژێ رازی (ئدریس بارزانی) كربا و راپورتا بەلیونێ من دبرە دەف وان و هەر پێدڤیەكا هێزێ من دگەهاندێ و دیسا هەر پەیامەكا جەنابێ وی ژی هەبا من دگەهاندە بەتلیونێ و فەرماندە (عەریف سلێمان) جارەكێ هاتینە دەستیردانێ و دو هەیڤان نەماین و برقیەك هات كو بچینە (كەلاتێ) ماوەكی دامینین و دا (عەبدوالرحیم) هێتە جهێ مە و بڤی رەنگی گەلەك جاران ئەم چووینە جهێ وی و مە ئێك دو دگوهارتن و دووڤ دا چووینە شەرمنان لدەف خالێن وی (زبێر و تەتەر) و ئەم گەلەك ماین هەتا سالا 1974ێ دووڤ دا برقیەك بوومە هات كو بچینە (سەركیسی) و من بارەگایەك پشت (چومان) ڤەكر و هەر تشەكێ هاتبا دا گەهیتە من وەك (ئەرزاق و چەك) هەر ئێكسەر دا ب رێكێن جودا وی تشتێ هاتی دا گەهینە بەرۆكێن شەری، وی دەمی (ئدریس بارزانی) گۆت (عەریف سلێمان) خودێ ژ هەر دوكان رازی بیت هەر دەمێ دوژمنی هێرش كر و بەتلیونا هەوە ئەو هێرش شكاندن و هوون دێ چنە دەستیردانێ، وی دەمی هێزا هەلگورد سەر ب (ئدریس بارزانی) ڤە بوو و هەمی فەرمان مە ژوی وەردگرتن و هێزا هەلگورد ژ سێ بەتلیونان پێك دهات و بەتلیون مە پتر ژ (600) پێشمەرگان كو (عەریف سلێمان دۆسكی) فەرماندێ وێ بەتەلیونێ بوو ، جارەكێ بوومە توپ ژ ئیرانێ هاتن و پێشمەرگەی لێدا و شەرەكێ مەزن چێبوو وی شەری (جومعە كورێمەی) هاتە شەهیدكرن و ئەو جـە پێشمەرگەی ستاند و گەلەك چەك ب دەست مە كەفت، دووف دا بریار ل سەر دەستیردانا مە هات و هێزێن (سەیدێ عەبوش) هاتنە جهێ مە و ئەوان گۆت دڤێت سریەكا (عەریف سلێمان) ل گەل مە بیت چونكە ئەم نە دشارەزاینە و دێ كەڤینە ئاریشەكێ و سریەكا مە یا (عەریف ناسر) چوو گەل و دو توب هاڤێتنێ و ((31) پێشمەرگە شەهیدبوون و ژبلی برینداران كو پتری (100) برینداران كەفتن ژ هەژمارا شەهیدان (16) پێشمەرگە ژ بەتلیونا مەبوون.
حسێن كواشی، پێشمەرگێ شۆرەشا ئیلۆنێ زێدەتر گۆت: ل سالا 1968 تشتێ بۆ پێشمەرگەی دهات هەر شەش هەیڤان دەستێ خاكی بوومە دهات، پێلاف، دەفكێن ریهان، تیتن و دەفتەركێن تیتنێ دانە مە، دەسپێكا بوویمە پێشمەرگە وی دەمی ماوێ چەند هەیڤان یێ ب دەستان بووم و دووڤ دا چەك دامە.
حسێن كواشی ئەو ژی ئاشكراكر كو ل سالا 1967 ل گەل فەرماندە (عەریف سلێمان و حەمو كەمكی) چوون بۆ (گلالە) ب كارەكێ پێدڤی و چەندین پێشمەرگە ل گەل هەر دو فەرماندا بوون و ئەو ژی چوو ب مەرەما گوهورینا تڤەنگا خوە چونكە تڤەنگا وی نە ل ئاستێ پێدڤی بوو و ئنگلیزەكا درێژ دامن و گوت نەچن سوباهی سێ بارێن دەوارا هەنە ل گەل خوە بەن دو بارێن دەرمانان و بارەگێ ئنگلیزێن كورت بوون و ئەم زڤرین چووینە ناف ئاخا توركیا و زڤرینە نێزیك ئاخا بەرواری و هاتینە مە رادەستی فەرماندە (ئەسعەد خوشەبی) كرن، چوونا مە بۆ پارێزگەها سلێمانیێ پتر ژ هەیڤەكێ زێدەتر ب پیان چووم، جارەكێ فەصیلەكا مە خەلەت بوو چوو ناڤ هێزێن جەلالیان دو پێشمەرگێن مە شەهید بوون ئێكێ(بێشینكی و ئێكێ پیرەفاتی) بوو و كورێ یێ بێشینكی ما ل سەر جەنازێ بابێ خوە و ئەو ژی هاتە دەست سەركرن ژلایێ وێ هێزا جەلالیان ڤە.
هەمان پێشمەرگێ شۆرەشا ئیلونێ ئەو ژی گۆت: پشتی ژ دەڤەرا سوران هاتینە مە دەستیردان وەرگرتی، نامەك ژ سەركردایەتیا شۆرەشێ هات كو رێكخەرێ هەوە بلا بەرهەڤ بیت و رێكخەرێ بەتلیونێ ل گەل سەركردایەتیێ ئەز بووم و رۆژا دووڤ دا ب رێكەفتم و سێ ئارپێپیی و سێ سندوقێن بەركێن ئارپیچی و سێ سندوقێن بەركێن برنو سێ سندوقێن بەركێ فیشەكا تڤەنگا دان و (عیسێ سوار) ژی (10) هزار دینار دانە مە و گۆتن هەرنە شنگال و فەرماندە (عەریف سلێمان، وەیسی بانی، سەعدی زاویتەی) ل گەل هژمارەكا پێشمەرگەی ئەم بووینە (26) كەس كو پێشابیرێ را شوینە شنگال وی دەمی سێ بەتلیون ل شنگال هەبوون (قاسم ملكو، قاسم شەشو، خودێدا پسی) ئەم چووینە بارەگایێ (قاسم ملكو) و هەر ئێكێ مە ئارپیچەك و سندوقێن چەكی دانێ و ئەم هەیڤەك و حەفت رۆژا ماینە وێرێ و دووڤ بریارهاتەدان بزڤرینە ڤە، فەرماندە(وەیسی بانی و سەعدی زاویتەی) ل گەل (10) پێشمەرگە هاتنە سەر سنوری و ترۆمبێل هات و دەربازبوون و هاتن و چوونا مە دئاخا سوریێ رابوو بۆ ناڤ شنگال، شەڤا دووف دا هاتین و ب رێكێ ڤە ترۆمبێلەكا مە هێلا و كەفتە پشت مە و زالگەهەك درێكێ دا بوو ئەم راوستاندین و ترۆمبێل هاتە پشت مە و ئەم دەستە سەركرین و برینە ئەمنێ و هەڤالەك ل گەل مە بوو و یێ شارەزا خوە ترۆمبێلێ هاڤێت و پەیوەندی كر بۆ ئەمنێ كر و ئەمنێ پەیوەندی ب وێ زالگەهێ كرن و گۆتن ئەویێن مە نە و رێكێ بدەنێ و ئێكسەر ئەم ئازادكرین، پشی شنگال زڤرین ئەم چووینە (كەلاتێ) و هەیڤێ جارەكێ یان دو جاران من سەرەدانا رەحمەتی (ئدریس بارزانی) كر و پێدڤیێن بەتلیونێ من گەهاندنێ و جەنابێ وی فەرمان كر كو سەرەدانا سەرۆك (مەسعود بارزانی ) بكەم وی دەمی بتنێ شاندێن بیانی و دەرڤە دهاتنە دەف سەرۆك (مەسعود بارزانی) گۆتە من هەرە و ژوورا جەنابێ وی نێزیك یا (ئدریس بارزانی) بوو و چووم دەف و پرسیارا پێشمەرگەی بگشتی ژ من كر و رەوشا نوكە دەڤەر تێدا و دووڤ دا دەمانجەك وەك دیاری دامن.
ل دووماهیێ حسێن كواشی، پێشمەرگێ شۆرەشا ئیلۆنێ گۆت: داخازێ ژ سەركردایەتیا پارتی دیموكراتی كوردستان دكەم ئەو كەسێن ماندیبوون دیتی نەهێنە ژبیركرن و خەباتا چیا و رەزالەت و دەربەدەری دیتی نەهێنە ژبیركرن و مخابن ئەو كەسێن رۆژەكێ تڤەنگ نەهاڤێتی نوكە زێدەتر وەردگرن.
