پێلەكا زكچوون و دلرابوونێ‌ ل هەرێما كوردستانێ‌ پەیدابوویە

پێلەكا زكچوون و دلرابوونێ‌ ل هەرێما كوردستانێ‌ پەیدابوویە

20

د. هەكار مستەفا، تایبەتمەندێ‌ نەخۆشیێن دل و هناڤا و شارەزایێ‌ تەنگاڤیا دیاركر ماوێ‌ چەند روژانە پێلەكا زكچوون و دلڕابوونێ‌ بەلاڤبوویە ل هەرێما كوردستانێ‌ و دگەلدا هژمارەك حالەتێن كولیرایێ‌ ژی هاتینە راگەهاندن و گۆت: ئەگەر ئەڤ پەتایە یا بەردەوام بیت پێشبینی دهێتەكرن رێژەكا زوور یا نەخۆشا دناڤا نەخوشخانان دا بهێنە نڤاندن.
د. هەكار مستەفا دازانین ب شێوەیەكێ‌ گشتی ب رێكا خوارن و ڤەخوارنا پیس دهێتە ڤەگوهاستن، بو خوپاراستنێ‌ ژ ڤێ‌ پەتایێ‌ خوە دووركرن ژ خوارنێن ژ دەرڤە ب تایبەت خوارنا قودیك كری (معلبات) و هەكە گومان هەبن خوارنەكا نە تەندروستە، هەروەسا بەری خوارنێ‌ و پشتی خوارنێ‌ و چوونا تەوالێتێ‌ پێدڤیە 20حەتا 30 چركا ب ئاڤ و سابوونێ‌ دەستێن خوە بشووی، هەروەسا پێدڤیە ئاڤ بهێتە گەرمكرن و پاش بهێتە ب كارئینان بو ڤەخوارنێ‌ و خوارنێ‌ن هەروەسا ددان شووشتنێ‌، بو خوپاراستن ژ ڤێ‌ پەتایێ‌ خوە ب پارێزە ژ كرنا مەلەڤانیا د مەلەڤانگەهاندا هەروەسا مەلەڤانیكرن دناڤا ئاڤا رووبار و سكران دا .
تایبەتمەندێ‌ دل و هناڤا خویاكر كەسێن تووشی ڤێ‌ پەتایێ‌ بووین ئەم موغەزی بو ب كاردئینین كو دبێژنێ (O R S) كو هەر كیسەكێ‌ ڤی مغەزیێ‌ تو دشێی بو لێترەكا ئاڤێ‌ ب كاربینی و گۆت: هەر دەمێ‌ زكچوون پەیدابوو پێدڤیە ئێك گلاسێ‌ ڤێ‌ ئاڤێ‌ ڤەخووی داكو قەرەبوویا وان كانزا و ڤیتامینا بكەی یێن ژ لەشێ‌ تە دەركەتین.
د. هەكار مستەفا گۆت: ل دەمێ‌ دلرابوون و زكچوون یا زوربیت پێدڤیە نەخۆش ماوێ‌ 24 دەمژمێرادا سەرەدانا نەخوشخانێ‌ بكەت و ژلایێ‌ نۆشداریڤە چارەسەری بو بهێتە كرن.
و ل دووماهیێ‌ د. هەكار مستەفا تایبەتمەندێ‌ دل و هناڤا و شارەزایێ‌ تەنگاڤیا دیار كر دەمێ‌ زكچوون و دلرابوونا نەخۆشی زورا تۆندبیت وی دەمی پشكنینێن دەستاڤا ستویر بو دهێنە ئەنجامدان و ل دووڤ ئەنجامێ‌ پشكنینان دێ‌ دەرمانێ‌ دژی بەكتریا ب نەخوشی هێتەدان، هەروەسا هەكە ژیێ‌ نەخوشی ژ 70 سالان زێدەتربیت یان نەخوشیێن دومدرێژ هەبن وەكی نەخۆشێن پەنجەشێرێ‌ و نەخوشیێن گولچیسكان هەبن، یان ژن یا دوگیان بیت و دلرابوون و زكچۆنەكا تۆند هەبیت پێدڤیە دەرمانێ‌ دژی بەكتریا بو بهێتەبكارئینان، هەروەسا ئەگەر زكچوون و دلرابوون زێدەتر ژ حەفتیەكێ‌ ل دەڤ نەخوشی بەردەوامبیت، هەروەسا هەكە پلا گەرماتیا لەشێ‌ نەخوشی 38.5 پلە بیت و نەهێتە خوار، یان خوین دگەل دەستاڤا نەخۆشی هەبیت و ئەو نەخوشێن پتر ژ شەش جاران د دەمێ‌ 24 دەمژمێراندا زكچوون بو چێببیت، د ڤان حالەتا هەمیاندا پێدڤیە دەرمانێ‌ دژی بەكتریا ب نەخوشی بهێتەدان ژلایێ‌ نۆشدارێ‌ تایبەتمەندڤە.

کۆمێنتا تە