چاندنا ئامێدیێ هاریكاریا جۆتیارێن دەڤەرێ دكـەت
ئامێدیێ، مەحمود نهێلی:
ژ بۆ پتر گرنگیدان ب كەرتێ چاندنێ و هاریكاریكرنا جۆتیاران ژ بۆ پێشڤەبرنا بەرهەمێ خوەمالی، رێڤەبەریا چاندنا ئامێدیێ توڤێ گەنمی ل سەر هەژمارەكا جۆتیارێن سنوورێ دەڤەرداریا ئامێدیێ بەلاڤكریە.
ئەندازیار هەكار حەمید، رێڤەبەرێ چاندنا دەڤەرداریا ئامێدیێ بۆ ئەڤرۆ دیار كر، ژ بۆ زێدتر پشتەڤانیا جۆتیاران و پێشڤەبرنا كەرتێ چاندنێ ل دەڤەرێ، رێڤەبەریاچاندنێ ل ئامیدیێ ب پشتەڤانیا رێڤەبەریا چاندنێ ل دهۆكی و پشكا پەسندكرنا تۆڤی و ب هەڤكاری ل گەل هوبێن چاندنێ 40 تەنێن گەنمی ل سەر جۆتیارێن دەڤەرێ بەلاڤكریە و گۆت: «ئەڤ توڤە ژ جۆرێن (تەموز، ئەدەنە و جیهان)ە، ل سەر وان جۆتیاران هاتە پارڤەكرن یێن ب كارێ چاندنا گەنمی ل سنوورێ دەڤەداریا ئامیدیێ رادبن».
گۆتژی: «ئەم دێ بەردەوام بین ل سەر هاریكاریكرنا جیتیاران ل دەڤەرێ، ژ پێخەمەت پێشڤەبرنا ئاستێ چاندنێ و زێدەكرنا بەرهەمێ خوەمالی و دووركەفتن ژ بەرهەمێن بیانی».
