چیچەك دێ پشكداریێ د فلمەفەستیڤالەكا نێڤدەولەتی دا كەت
زنار تۆڤی:
ئەكتەرا گەنج (چیچەك تەكدەمیر) یا ناسیار ب كولیلكا حەسكیفێ، د دیدارەكێ دا بۆ رۆژناما ئەڤرۆ دیاركر كو وێ وەكو ئەكتەرا سەرەكی پشكدار د فلمێ سینەمایی ( ڤەقەتین) دا كریە، ئەو فلم ل باژێرێ مێردینێ ل باكورێ كوردستانێ هاتیە وێنەكرن و 90 خولەكان یێ درێژە و دێ پشكداریێ د گەرا 77 ێ یا فلمە فەستیڤالا سالێرنۆ یا نێڤدەولەتی دا ل وەلاتێ ئیتالیا دا كەت.
ناڤهاتیێ گۆت: بەری دو سالان ئەڤ فلمە ل باژێرێ مێردینێ هاتیە چێكرن و ناڤەرۆكا وی فلمی ژی ل سەر ژیانا كۆچبەرییێ یا مالباتەكێ یە، كانێ چاوا ئەو مالباتە ژیانا خۆ ل كۆچبەرییێ دبۆرینن، من رۆلێ سەرەكی تێدا گێرایە، بۆ جارا ئێكێ یە ئەڤ فلمە دێ پشكداریێ د وێ فلە فەستیڤالا جیهانی دا كەت، ئەم ب هیڤینە كو دێ خەلاتان ب دەستڤە بینین كارێ دەرهێنانا فلمی ژی ژ لایێ حەسەن دەمیرتاش ڤە هاتیەكرن.
