چیڕۆكنڤیسەكا دهۆكێ‌ ل ئەلمانیا خەلاتەكێ‌ رێزلێنانێ‌ وەرگرت

چیڕۆكنڤیسەكا دهۆكێ‌ ل ئەلمانیا خەلاتەكێ‌ رێزلێنانێ‌ وەرگرت

2

شاكر ئەتروشی:

نوونەراتییا ئەورۆپایێ‌ یا ئێكەتییا نڤیسەرێن كوردستانێ‌، چیرۆكنڤیسا دهۆكێ‌ (فەهیما ئیبراهیم) دبەریكا كورتە چیڕۆكێ‌ دا ل رۆژا 8/6/2024 خەلاتكر، ئەڤ رێورسمە ب هەڤكاریا كۆمەلا ئاسۆ ل باژێرێ‌ هێرنێ‌ ل ئەلمانیا هاتە برێڤەبرن.
چێرۆكنڤیسا ناڤبری بۆ رۆژنامەیا ئەڤرۆ گۆت: نوونەراتییا ئەورۆپایێ‌ یا ئێكەتییا نڤیسەرێن كوردستانێ‌، بەری چەند مەهەكان بەریكانا كورتە چیڕۆكا كوردی راگەهاند بوو، و (43) چیڕۆكنڤیسان بەرهەمێن خوە بۆ ڤێ‌ بەریكانێ‌ هنارتبوون و ژ وان ژی تنێ‌ (13) چیڕۆك هاتنە وەرگرتن كو خەلاتێ‌ پشكداریێ‌ وەربگرن. ئەڤ بەرهەمە ژی هەموو ژ لایێ‌ لژنەیەكا تایبەتمەند ڤە هاتبوونە هەلسەنگاندن كو بهێنە خەلاتكرن كو پتریا وان چیڕۆكنڤیسێن ناڤدار بوون و جهێ‌ دلخۆشیێ‌ بوو كو دڤێ‌ بەریكانێ‌ دا پشكدار ببم و شیام ببمە ئێك ژ وان یێن دڤێ‌ بەریكانێ‌ دا هاتینە وەرگرتن و من شیایێ‌ خەلاتێ‌ پشكداریێ‌ وەربگرم.
ناڤبریێ‌ گۆت: باشیا ڤێ‌ بەریكانێ‌ ئەوە ئەڤ چیڕۆكێن هاتینە وەرگرتن، كو (13) چیرۆكن، هەموو دێ‌ بۆ زمانێن دی هێنە وەرگێران و ل گۆڤارا (پێنووسا ئازاد) دێ‌ هێنە بەلاڤكرن، ئەز ڤێ‌ ب پێنگاڤەكا باش دزانم ژ بەركو نڤیسەرێ‌ كورد پێدڤی ب دانەنیاسینێ‌ یە و دزانم ژی چەند ب كوردی بنڤیسین جهێ‌ خوە ناگریت و مە ئەو خواندەڤان ژی نینە كو برسیێ‌ خواندنێ‌ بیت ب تبلێن دەستان نەبن. لەوا وەرگێرانا بەرهەمێن كوردی بۆ زمانێن دی بیانی هەولەكە بۆ پتر نیاسینا ئەدەبێ‌ كوردی.

کۆمێنتا تە