چەند پرتیسكە پەیڤ

چەند پرتیسكە پەیڤ

50

خالد عەلی سلێڤانەیی

(1)
تو تێناگەهی هەتا فێرنەبی و تو فێر نابی هەتا تێنەگەهی.!
(2)
هاریكاری ب تنێ‌ ژیانێ‌ ب واتا دكت. بێ‌ هاریكاری مرۆڤ هەمی تاوانبارن و جیهان زیندانەكا مەزنە. هاریكاری نە كارەكی خوەبەخشیێ‌ یە، هاریكاری ئەركەكی مرۆڤایەتیێ‌ یە.

(3)
مرۆڤێ‌ نەزان بەرامبەر مرۆڤێ‌ دەبەنگ مامۆستایە و مرۆڤێ‌ زانا دناڤبەرا هەردویان دا د دۆزەخێ‌ دایە.

(4)
هەتا تو كەرەكی ب ئاقل بكی، دێ‌ دەه مەیموونكا فێر «سێرك»ێ‌ كەیی.

(5)
ئەگەر تە سەرێ‌ خوە چەماندن دێ‌ ب تنێ‌ پێلاڤا بینی.

(6)
تو خوە كەسەكی گرنگ ببینی ئاریشەیە، لێ‌ ئەگەر نەیێ‌ وەسا بی مەرگەساتە.

(7)
پارە گرنگە ئەگەر پێدڤییاتیێن تە بدەستڤە بینن، لێ‌ ئاریشەیا مەزن ئەوە، زەنگینا ئارمانجا خوە یا سەرەكی كرینە ب دەستڤەئینانا پارەیی و نە پێدڤینە، ژبەر هندێ‌ دەلیڤەیا ئەوێن پێدڤی كێم دبیت.

(8)
ئەگەر تو خوە پێش نەئێخی، ئانكو وی دەمی هندەكێن دی یێن خوە ب تە پێش دئێخن.

(9)
گەلەك ژیانا نە ژیی، ئێك ژیان بەسە ئەگەر وەك دلێ‌ تە بیت.

(10)
هندەك مرۆڤ پێشڤەدچن لێ‌ ب تنێ‌ د تەمەنێ‌ خوە دا.

(11)
چەنس ب چەنسی دهێت، لێ‌ ب ئەقلی بەرهەمێ‌ خوە ددت.

(12)
هندەك ترس، هندەك خەم، هندەك رەڤین و هندەك شكەستن گرنگن، هەبوونا بێ‌ وانا هەبوونا نەگیاندارانە.

(13)
ژ شەمالان فێربووم، ئەو كەسێ‌ تو بكی دناخێ‌ خوە دشێت تە بشەوتینت.

(14)
ل دوماهیێ‌ دێ‌ گەهی باوەرییەكێ‌ كو تو دگەلەك قۆناغ و دەماندا نەدژیایی، لێ‌ ب تنێ‌ ژ مرنا خوە یا ناڤخوەیی درەڤیای.

(15)
هەول نەدە هەڤسارێ‌ خوە ژ دەستێ‌ یێن دی بئینی دەرێ‌، هەڤساری ژ سەرێ‌ خوە ڤەكە.

(16)
ئێك ژیانە و ئێك مرنە، یا دناڤبەرا وانا دا تو دێ‌ ژێگری ئەڤجا ب سەرفەرزای یان ب سەرشۆڕی.

کۆمێنتا تە