ڕێڤەبەریا گەشتوگوزارێ ل باتیفا هاتە ڤەكرن
زاخۆ، دلۆڤان هالۆ:
چیا ئەمین، ڕێڤەبەرێ گشتی یێ گەشتوگوزارا زاخۆ بۆ ڕۆژناما ئەڤرۆ دیار كر كو دوهی ب ئامادەبوونا فەرهاد مەحموود، دەڤەردارێ باتیفا و هەژمارەكا بەرپرسێن حكومی و حزبی و فەرمانبەر و خەلكێ دەڤەرێ، ئاڤاهیێ ڕێڤەبەریا گەشتوگوزارا دەڤەرداریا باتیفـا هاتە ڤەكرن.
ڕێڤەبەرێ گشتی یێ گەشتوگوزارا زاخۆ، ئاماژە ب وێ چەندێ ژی كر كو پشتی ناوچەداریا باتیفـا بوویە دەڤەرداری، ل دووڤ بڕیارا حوكمەتا هەرێما كوردستانێ ڕێژەیەكا باش ژ دەزگەهێن حكومی ل دەڤەرێ ڤەبوون، ئێك ژ وان ژی ڤەكرنا رێڤەبەریا گەشتوگوزارا دەڤەرداریا باتیفا بوویە، بۆ مەرەما ئاستێ بەرفرەهیا خزمەتگوزاریێن كەرتێ گەشتوگوزارێ ل ڤێ دەڤەرێ.
چیایی گۆت: «گرنگیدان و بازاركرن ب شێوەیەكێ گشتی ل جهێن گەشتیاری ل باتیفا دێ بیتە جهێ مفا و رازیبوونا خەلكێ دەڤەرێ و رێژەیا هاتنا گەشتیاران د داهاتی دا دێ بەرەڤ ئاستەكێ بلند چیت و گوهۆڕین د لڤینا گەشتیاران و بازاری دا دێ هێتە كرن».
