ژیانا دو مالان ل سەر داهاتێ ڤێ عەرەبانێ یە
عەلی حاجی:
وەلات سەبری، وەلاتیەكێ باژێرێ زاخۆیە، د دیدارەكێ دا بۆ رۆژناما ئەڤرۆ دیاركر كو ئەو ب رێیا خالێ خوە فێری كارێ شێلم فرۆشیێ بوویە و هەتا نوكە یێ بەردەوامە و هەتا رادەكی دشێت پێدڤیێن مالا خوە ب فرۆتنا شێلمان پەیدا بكەت.
ناڤهاتی گۆت: بەری سێزدە سالان من دگەل خالێ خوە دەست ب كارێ فروتنا شێلمان كر ب رێیا عەرەبانەیەكێ و هەتا نوكە بەردەوامم، د نوكە دا ئەز و برایێ خوە ڤی كاری دكەین و دەمێ وەرزێ زڤستانێ دهێت ئەم ب شەڤ دناڤ بازارێ زاخۆ دا كارێ خوە دكەین كو سەرباری هندێ ژی دناڤ كەرتێ ساخلەمیێ دا كاردكەم بەلێ كارێ شێلم فرۆشیێ بوویە كارێ مە و خەلك مە ب وی كاری دنیاسیت، گەلەك كەس هەنە شەڤانە دهێن شێلمان دخۆن و هەكە شەڤەكێ قەستا مە نەكەن داخواز دكەن ئەم بۆ رەوانەبی جهێ وان دكەین، بۆ زانین ژیانا دو مالان بڤی كاری ڤە یا گرێدایە.
