ڤەكرنا وەرزێ نوو یا كۆپا كەنداڤی دێ ل یاریگەها دهۆكێ بیت
قەیس وەیس:
فدراسیۆنا فوتبۆلا كەنداڤی ب فەرمی خشتەیێ كۆپا كەنداڤی ل سەر ئاستی یانەیان ڕاگەهاند ئەوا بڕیارە یارییا ڤەكرنا وەرزێ نوو ل 22ێ ڤێ مەهێ یاریگەها یانەیا دهۆك مێڤاندارییا وێ بكەت، ئەوا ل دووماهییا مەها بۆری ل پایتەختێ قەتەر دوحە رێورەسمێن پشككێشانا وەرزێ نوو یا كۆپا كەنداڤی ب پشكدارییا هەشت یانەیان هاتیە ئەنجامدان.
ل دووڤ ڕێنمایێن قارەمانیێ دا فیدارسیۆنا كەنداڤی هەڤڕكیێن وێ دێ ب شێوەیێ خول دو قۆناغ دووڤ سیستەمێ یاریێن هاتن و چوون هێتە كرن ئەوا هەشت یانە هاتینە بەلاڤكرن ل سەر دو كۆما و هەر كۆمەك دێ دو یانە دەربازبنە قۆناغا چارگۆشەیا زێرین، سەركەفتیێن وان دێ دەربازبنە یارییا دووماهیێ، پشتی پشككێشان بڤی شێویێ هاتە كرن.
كۆما ئێكێ دهۆك، نەسر یا ئیماراتی، زەفار یا عومانی، ئەهلی سەنعا یا سەمەنی.
كۆما دویێ: عەرەبی یا قەتەری، ئیتفاق یا سعۆدی، ریفاع یا بەحرێنی، قادسییە یا كوێتی.
دوهی ب فەرمی یاریێن تیما یانەیا دهۆك د كۆپا كەنداڤی دا هاتنە بەلاڤكرن و بڤی شێوەی.
یارییا ئێكێ ل 22-10-2024 یانەیا دهۆك دێ ل یاریگەها خوە مێڤاندارییا یانەیا ئەهلی سەنعا یا یەمەنی كەت كو دێ بیتە رێورەسمێن ڤەكرنا وەرزێ نوو یا كۆپا كەنداڤی ئەوا دێ ل دەمژمێر حەفتی شەڤ هێتە ئەنجامدان.
یارییا دویێ دێ یانەیا دهۆك ل دویێ چرییا دویێ یا بهێت بیتە مێڤانا یانەیا زەفار یا عومانی.
یارییا سێیێ 27-11- 2024 ل دەمژمێر حەفتی شەڤ مێڤاندارییا نەسر یا كوێتی كەت.
یارییا چارێ كۆ دبیتە قۆناغا دویێ ژ كۆمێ دێ ل 3-12- 2024 بیتە مێڤانا نەسر یا كوێتی.
یارییا پێنجێ ل 4-2-2024 دێ بەر ب وەلاتێ یەمەن چیت و بیتە مێڤانا یانەیا ئەهلی سەنعا.
یارییا پێنجێ و یا دووماهیێ ژ قۆناغا كۆمان دێ ل 19-2-2024ێ مێڤاندارییا یانەیا زەفار یا عومانی كەت كو دێ ل دەمژمێر حەفتی شەڤ هێتە ئەنجامدان.
بۆ زانین قارەمانا كۆپا كەنداڤی دێ سێ ملیۆن دۆلاران وەرگریت، خودانا رێزا دویێ دێ ئێك ملیۆن دۆلاران وەرگریت، باشترین یاریزانێ كۆپا دێ 50 هزار دۆلاران وەرگریت، باشترین گۆلپارێز دێ خەلاتێ 50 هزار دۆلاران وەرگریت، گۆلكەرێ قارەمانیێ ژی دێ 50 هزار دۆلاران وەرگریت.
هەروەسان هەر یانەكا پشكدار دێ سێ هزار دۆلار بۆ هێنە مەزاختن وەكو پشتەڤانیەك، هەروەسان ئەو یانەیا دەربازبیتە قۆناغا پێش دووماهیێ- چارگۆشەیا زێرین- دێ 100 هزار دۆلار بۆ هێنە دان، دیسان ئەو یانەیا گەشتەكێ بەر ب وەلاتەكی بكەت بۆ ئەنجامدانا یارییا خوە ژ دەرڤەیی یاریگەها خوە دێ 30 هزار دۆلار بۆ هێنە تەرخانكرن، دیسان بۆ هەر یانەیەكا سەركەفتنێ بینت ژی 30 هزار دۆلار هاتینە دانان.
