ڤەكۆلینەك: پتریا جڤاكێ مە گەنجن
سولین سلێمان
ل دۆر پێزانینێن ڤەكۆلەرەكێ جڤاكی، پتریا جڤاكێ مە ژ چینا گەنجان پێكدهێت، ئەڤ چەندە ژی بوویە ئەگەر كۆ ژ لایێ ئاریشان ڤە پشكا شێری بەر گەنجی بكەڤن و گۆت: پێدڤیە ژ بۆ چارەسەركرنا وان میكانزمەكێ گونجای ژ بۆ گەنجان بهێتە ڤەدیتن و هەر بەهرەكا تایبەت ل دەف گەنجی هەیە دبیت ل دۆر كارو بەهرەیێن وان پتر گرنگیێ ب كارێن وان بدەن.
هەردی ئەحمەد ڤەكۆلەرەكێ جڤاكی د دیدارەكێدا بۆ رۆژناما ئەڤرۆ گۆت ”گەنجێن مە یێن نۆكە گەلەك هەست ب بێ هیڤیێ دكەن، ژ بەر ئاریشەیێن خۆ بەر ب رێكەكا خەلەت ڤە ببەن و گۆت: بەربەلاڤیا بێ شولیێ و نەبوونا پلانان ژ بۆ چارەسەركرنا وان، دیسا ژی زێدەبوونا قوتابیێن قوناغا ١٢ ئامادەیی كۆ ل زانكۆ پەیمانگەهان ناهێنە وەرگرتن، یان ئەوێن تمام ژی دكەن ناهێنە دامەزراندن، ئەڤە هەمی ئاریشەنە ل هەمبەر گەنجێن مە دا.
ئاشكرا ژی كر”پێدڤیە ژ بۆ چارەسەركرنا وان میكانزمەكێ گونجای ژ بۆ گەنجان بهێتە ڤەدیتن و هەر بەهرەكا تایبەت ل دەف گەنجی هەیە دبیت ل دۆر كارو بەهرەیێن وان پتر گرنگیێ ب كارێن وان بدەن.
ئاماژە كر ”یا ژ هەموویان گرنگتر چارەسەركرنا بێكاریا گەنجانە ب زووترین دەمی دا كو ئێدی گەنج بەر ب ئاریشا بێكاریێ رووب روو نەخۆشیێن دەروونی نەبن، چونكو گەلەك گەنج دەمێ ژ زانكۆ پەیمانگەهان تمام دبن، نە ل كەرتێ تایبەت نە ل حكومی كار ب دەستناكەڤیت، یان ژی پترا كۆمپانیان دەستێ كارێ بیانی دئینن دەف خۆ و ددەنە كاری، ئەڤە ژی بوویە ئاریشەكا دی ل هەمبەر گەنجێن مە، چونكو گەنج گەلەك خودان شیانن و پێدڤیە ب چاڤەكێ مەزن حوكمەت بەرێ خۆ بدەتە شیانێن وان و بزاڤێت تەمام بكەت، هەر گەنجەكێ ژ بێكاریێ رزگار بكەت، گەنج ل هەر وەلاتەكی ئانكو ئەو چینن ئەوێن دێ شێن وەلاتێ خۆ بەر ب پێشكەفتنێ ببەن.
